சமையலறையில் இந்த 4 பொருட்களை தவறுதலாக கூட வைக்க கூடாது.. வறுமை ஏற்படுமாம்..

வாஸ்து சாஸ்திரத்தின்படி சமையலறை என்பது வீட்டின் முக்கிய பகுதியாகும்.. அன்னபூரணியின் இருப்பிடமாக இது கருதப்படுகிறது. எனவே, எனவே சமையலறையை சுத்தமாக வைத்திருப்பது மிகவும் அவசியம். வாஸ்து சாஸ்திரத்தின் விதிகளைப் பின்பற்றுவதன் மூலம், உங்கள் வீட்டிற்கு மகிழ்ச்சி, அமைதி மற்றும் செழிப்பைக் கொண்டு வரலாம்.

சமையலறையில் சரியான திசையில் கேஸ் அடுப்பு, அலமாரிகளை நிறுவுவது மிகவும் முக்கியம். இது தவிர, உடைந்த பாத்திரங்கள் அல்லது கெட்டுப்போன உணவுகளை சமையலறையில் வைப்பதும் அசுபமாக கருதப்படுகிறது. சமையலறையில் சில பொருட்களை வைத்திருப்பது வீட்டின் நிதி நிலைமையை மோசமாக்கும் என்று நம்பப்படுகிறது.

எனவே, சமையலறையை வாஸ்து முறைப்படி கட்ட வேண்டும் என்பது வாஸ்து நிபுணர்களின் கருத்து. இவ்வாறு செய்வதன் மூலம் வீட்டில் பாசிட்டிவ் எனர்ஜி செல்வது மட்டுமின்றி குடும்ப உறுப்பினர்களின் ஆரோக்கியமும் நன்றாக இருக்கும். சமையலறையில் சில பொருட்களை வைத்திருப்பது வாஸ்து தோஷத்தை ஏற்படுத்தும், இது வீட்டில் எதிர்மறை சக்தியின் ஓட்டத்தை அதிகரிக்கும். எனவே சமையலறையில் தவறுதலாக கூட என்னென்ன பொருட்களை வைக்கக்கூடாது என்று பார்க்கலாம்.

கண்ணாடி

வாஸ்து சாஸ்திரத்தின் படி, சமையலறையில் கண்ணாடி வைப்பது அசுபமாக கருதப்படுகிறது. சமையலறையில் நெருப்பு பயன்படுத்தப்படுகிறது. கண்ணாடி நெருப்பைப் பிரதிபலிப்பதன் மூலம் எதிர்மறை ஆற்றலை உருவாக்குகிறது. இது வீட்டில் கருத்து வேறுபாடு, நோய் மற்றும் நிதி சிக்கல்களை ஏற்படுத்தும். எனவே, சமையலறையில் கண்ணாடி வைப்பதை தவிர்க்க வேண்டும்.

மருந்துகள்

வாஸ்து சாஸ்திரத்தின் படி, சமையல் அறையில் மருந்துகளை வைத்திருப்பது மங்களகரமானதாக கருதப்படுவதில்லை. மருந்துகள் நோயுடன் தொடர்புடையவை. எனவே சமையலறையில் அவற்றை வைப்பது எதிர்மறை ஆற்றலை ஈர்க்கிறது. இதனால் வீட்டில் நோய்கள் மற்றும் நிதி பிரச்சனைகள் ஏற்படும். எனவே, மருந்துகளை சமையலறையிலிருந்து தள்ளி வேறு ஏதாவது இடத்தில் வைக்க வேண்டும்.

துடைப்பம்

வாஸ்து சாஸ்திரத்தின் படி, சமையலறையில் விளக்குமாறு வைப்பது அசுபமாக கருதப்படுகிறது. அதை சமையலறையில் வைத்திருப்பது வீட்டில் முரண்பாடு மற்றும் நிதி சிக்கல்களுக்கு வழிவகுக்கும். எனவே, துடைப்பத்தை சமையலறையில் இருந்து விலக்கி வைக்க வேண்டும்.

உடைந்த பாத்திரங்கள்

வாஸ்து சாஸ்திரத்தின் படி, உடைந்த பாத்திரங்களை சமையலறையில் வைப்பது அசுபமாக கருதப்படுகிறது. உடைந்த பாத்திரங்கள் எதிர்மறை ஆற்றலை ஈர்க்கும். அன்னபூர்ணி தேவியை கோபப்படுத்தும். இதனால் வீட்டில் பணப் பற்றாக்குறை மற்றும் பிற பிரச்சனைகள் ஏற்படும். எனவே, உடைந்த பாத்திரங்களை உடனடியாக தூக்கி எறிய வேண்டும்.

Read More : இந்த ஓவியங்கள் வீட்டிற்கு செல்வ செழிப்பையும், மகிழ்ச்சியையும் கொண்டு வரும்.. எந்த திசையில் வைக்க வேண்டும்..?