'தூம்-2' படத்தின் இயக்குனர் சஞ்சய் காத்வி 56 வயதில் மாரடைப்பால் காலமானார்..!

பிரபல பாலிவுட் திரைப்பட இயக்குனர் சஞ்சய் காத்வி இன்று காலமானார். 56 வயதான இவர் மாரடைப்பு ஏற்ப்பட்டதன் காரணமாக உயிரிழந்துள்ளதாக தெரிவிக்கப்படுகிறது. இயக்குனர் சஞ்சய் காத்வி 'தூம்' மற்றும் 'தூம் 2' ஆகிய படங்களை இயக்கியதற்காக அறியப்பட்டவர், இவை இரண்டும் ஹிருத்திக் ரோஷன் மற்றும் அபிஷேக் பச்சன் நடிப்பில் மிகப்பெரிய வெற்றியைப் பெற்றன.

சஞ்சய் காத்வி 2000 ஆம் ஆண்டில் 'தேரே லியே' படத்தின் மூலம் இயக்குநராக அறிமுகமானார், அது கவனிக்கப்படாமல் போனது. அர்ஜுன் ராம்பால் மற்றும் ரவீனா டாண்டன் நடிப்பில் உருவாகியிருக்கும் இப்படத்திற்கு முன்னதாக 'து ஹி படா' என்று பெயரிடப்பட்டது. ஆனால், பட்ஜெட் குறைந்ததால் படம் முடங்கியது. 2004 ஆம் ஆண்டு 'தூம்' என்ற ஆக்‌ஷன் த்ரில்லர் படத்தை இயக்கியபோது அவர் முதலில் கவனம் பெற்றார். மேலும் அதன் இரண்டாம் பாகமான தூம்-2ஐ 2006 ஆம் ஆண்டு இயக்கினார். 2008 இல் சஞ்சய் தத், இம்ரான் கான் மற்றும் மினிஷா லம்பா நடித்த "கிட்னாப்", 2012 இல் அர்ஜுன் ராம்பால் நடித்த "அஜப் கசாப் லவ்" மற்றும் 2020 இல் அமித் சாத் மற்றும் ராகுல் தேவ் நடித்த "ஆபரேஷன் பரிண்டே" ஆகிய படங்களை இயக்கியுள்ளார்.

இயக்குனர் சஞ்சய் காத்வி நவம்பர் 22 அன்று 57 வயதை எட்டவிருந்த நிலையில் இன்று அவர் காலமானார். அவருக்கு மனைவி ஜினா மற்றும் இரண்டு மகள்கள் உள்ளனர். இயக்குனர் சஞ்சய் காத்வி மறைவிற்கு திரை பிரபலங்கள் மற்றும் அவரது ரசிகர்கள் இரங்கலை தெரிவித்து வருகின்றனர்.