உதயநிதிக்கு துணை முதல்வர் பதவி..? மீண்டும் பிடிஆர் கைக்கு போகும் நிதித்துறை..? தமிழக அமைச்சரவையில் அதிரடி மாற்றம்..!!

தமிழக அமைச்சரவையில் மாற்றம் வரப்போவதாகவும், குறிப்பாக உதயநிதிக்கு ஜாக்பாட் அடிக்கப் போவதாகவும் தகவல் வெளியாகியுள்ளது.

நாடாளுமன்ற தேர்தலில் திமுக கூட்டணி 39 இடங்களில் வெற்றி பெற்றது. அடுத்ததாக, 2026 சட்டசபை தேர்தலுக்கு திமுக இலக்கு நிர்ணயித்துள்ளது. இதற்கான தேர்தல் பணிகளுக்கான பணிகள், ஏற்கனவே துவங்கி விட்டதாக அக்கட்சி வட்டாரங்கள் தெரிவிக்கின்றன. ஒரே நாளில் 65 ஐ.ஏ.எஸ் அதிகாரிகள் இடமாற்றம் செய்யப்பட்டுள்ள நிலையில், அமைச்சரவையில் சில நிர்வாக மாற்றங்கள் மேற்கொள்ளப்பட வாய்ப்பு உள்ளதாகத் தெரிவிக்கப்படுகிறது.

முதல்வர் மு.க.ஸ்டாலின் அன்னிய முதலீட்டை ஈர்க்கும் நோக்கில் இந்த மாதம் அமெரிக்கா செல்வதாக கூறப்படுகிறது. ஆனால், பல்வேறு தொடர் நிகழ்ச்சிகளில் பங்கேற்க வேண்டியுள்ளதால், முதல்வர் ஸ்டாலினின் வெளிநாட்டுப் பயணம் ஆகஸ்ட் மாத இறுதியில் செல்லும் வகையில் ஏற்பாடுகள் செய்யப்பட்டு வருகின்றன. சுதந்திர தின கொடியேற்று விழாவில் பங்கேற்ற பிறகு வெளிநாட்டு பயணம் குறித்து அதிகாரப்பூர்வ அறிவிப்பு வெளியிடப்படும் என்று தலைமைச் செயலக வட்டாரங்கள் தெரிவிக்கின்றன.

அமைச்சரவையில் இணையவுள்ள முதல்வர் மு.க.ஸ்டாலின், அமெரிக்க பயணத்திற்கு முன்னதாக அரசு நிர்வாகத்தில் அதிரடியான சில மாற்றங்களை செய்யவுள்ளதாக தகவல் வெளியானது. அதன்படி துறை செயலாளர்கள், மாவட்ட தலைவர்கள், உள்துறை செயலாளர்கள் உட்பட 65 ஐஏஎஸ் அதிகாரிகள் மற்றும் ஐபிஎஸ் அதிகாரிகள் இடமாற்றம் செய்யப்பட்டுள்ளனர். இதையடுத்து, அமைச்சரவையிலும் கை வைக்க முதல்வர் ஸ்டாலின் திட்டமிட்டுள்ளார். இதற்காக கடந்த சில வாரங்களாக ஆலோசனை நடைபெற்று வரும் நிலையில், இரண்டு நாட்களுக்கு முன்பு அமைச்சரவை மாற்றம் உறுதி செய்யப்பட்டது.

குறிப்பாக அமைச்சர் உதயநிதி ஸ்டாலினுக்கு துணை முதல்வர் பதவி வழங்க வேண்டும் என அமைச்சர்களும், திமுகவினரும் வலியுறுத்தி வருகின்றனர். புதிய அமைச்சரவை மாற்றம் நாளை அறிவிக்கப்படும் என்றும், அமைச்சர்களின் இலாகாக்கள் மாற்றப்படும் என்றும் தகவல் வெளியாகியுள்ளது. அந்தவகையில் உதயநிதிக்கு துணை முதல்வர் பொறுப்பும், அதன்பின் அவருக்கு உள்ளாட்சித் துறையும், அமைச்சர் கே.என்.நேருவுக்கு போக்குவரத்து துறையும் வழங்கப்படும் என கூறப்படுகிறது.

மூத்த அமைச்சர் ஐ.பெரியசாமிக்கு மின்துறையும், அதேபோல் நிதித்துறை அமைச்சர் பி.டி.ஆருக்கு வழங்கப்பட உள்ளதாக தகவல் வெளியாகியுள்ளது. விளையாட்டுத்துறை உள்ளிட்ட ஒரு சில துறைகள் வேறு அமைச்சர்களுக்கு மாற்றப்பட்டு வட மாவட்டங்களில் புது முகங்களுக்கு வாய்ப்பு அளிக்கப்பட உள்ளது. மேலும், உடல்நலக்குறைவால் பாதிக்கப்பட்டுள்ள மதிவேந்தன், காந்தி, கே.கே.எஸ்.எஸ்.ஆர் ஆகியோரின் பெயர்களும் அமைச்சரவையில் இருந்து நீக்கப்படும் பட்டியலில் உள்ளன. எனவே, நாளை ஆளுநர் மாளிகை அறிக்கையில் அமைச்சரவை மாற்றம் குறித்த அறிவிப்பு வெளியாகும் என திமுகவினர் ஆவலுடன் காத்திருக்கின்றனர்.

Read More : ரூ.31 லட்சம் கிடைக்கும் சூப்பர் திட்டம்..!! மக்களே மிஸ் பண்ணிடாதீங்க..!! கண்டிப்பா தெரிஞ்சிக்கோங்க..!!