மீண்டும் வேலையை காட்ட ஆரம்பித்த கொரோனா..!! சிங்கப்பூரில் தீவிரம்..!! இன்னும் 2 வாரங்களில் உச்சம் தொடும் என எச்சரிக்கை..!!

உலகம் முழுவதும் மீண்டும் கொரோனா பாதிப்பு அதிகரித்து வருவதாக கூறப்படுகிறது. அமெரிக்கா, இங்கிலாந்து உள்ளிட்ட பல நாடுகளில் கொரோனா பாதிப்பு அதிகரித்துள்ளது. அந்த வகையில், சிங்கப்பூரிலும் கொரோனா பரவல் அதிகரித்துள்ளது. மே 5 முதல் 11 வரை 25,900-க்கும் மேற்பட்ட பாதிப்புகள் அங்கு பதிவாகி உள்ளன. சுகாதார அமைச்சர் ஓங் யே குங், அனைவரும் கட்டாயம் முகக்கவசம் அணிந்துகொண்டு முன்னெச்சரிக்கையாக இருக்குமாறு அறிவுறுத்தியுள்ளார்.

KP.1 மற்றும் KP.2 ஆகிய மாறுபாடுகள் இரண்டு பங்கு பாதிப்புக்கு மேல் பதிவாகியுள்ளன. உலக சுகாதார அமைப்பு கே.பி 2 மாறுபாட்டை கண்காணிப்பின் கீழ் ஒரு மாறுபாடாக வகைப்படுத்தியுள்ளது. ஆனால், இந்த கொரோனா வகை மிகவும் வேகமாக பரவுகின்றன என்பதற்கோ அல்லது மற்ற மாறுபாடுகளை விட கடுமையான நோயை ஏற்படுத்துகின்றன என்பதற்கோ எந்த ஆதாரமும் இல்லை என்று சிங்கப்பூர் சுகாதார அமைச்சகம் தெரிவித்துள்ளது .

மேலும், "நாங்கள் கொரோனா அலையின் ஆரம்பத்தில் இருக்கிறோம். அது சீராக உயர்ந்து வருகிறது. அடுத்த 2 முதல் 4 வாரங்களில் கொரோனா பாதிப்பு உச்சத்தை எட்டும்" என்று கூறினார். தொடர்ந்து பேசிய அவர் “ கோவிட் பாதிப்பு எண்ணிக்கை இரட்டிப்பாக இருந்தால், சிங்கப்பூரில் 500 நோயாளிகள் சுகாதார அமைப்பில் இருக்க முடியும்.இருப்பினும், வழக்குகள் இரண்டாவது முறையாக இரட்டிப்பாகி, 1,000 நோயாளிகளை எட்டினால், அது மருத்துவமனை அமைப்பில் குறிப்பிடத்தக்க சுமையை ஏற்படுத்தும்” என்று கூறினார். மேலும் "எனவே, கொரோனா தொற்றுடன் நாம் வாழ பழகிக் கொள்ள வேண்டும். ஒவ்வொரு ஆண்டும், ஒன்று அல்லது இரண்டு அலைகளை எதிர்பார்க்க வேண்டும்" என்று கூறினார்.

Read More : ரேஷன் கடைகளில் வரப்போகும் புதிய மாற்றம்..!! மக்களே செம குட் நியூஸ் காத்திருக்கு..!!