ரிலையன்ஸ், டிஸ்னி, ஸ்டார் இண்டியா இணைப்புக்கு CCI ஒப்புதல்..!!

ரிலையன்ஸ் இண்டஸ்ட்ரீஸ் மற்றும் டிஸ்னியின் இந்திய மீடியா சொத்துக்களை  ரூ.70,350 கோடியில் இணைக்க இந்திய போட்டி ஆணையம் (சிசிஐ) ஆகஸ்ட் 28 அன்று ஒப்புதல் அளித்துள்ளது.

பிப்ரவரி 2024 இல், ரிலையன்ஸ் இண்டஸ்ட்ரீஸ் லிமிடெட், வயாகாம் 18 மீடியா பிரைவேட் லிமிடெட் மற்றும் தி வால்ட் டிஸ்னி நிறுவனம் ஆகியவை Viacom18 மற்றும் ஸ்டார் இந்தியாவின் வணிகங்களை இணைக்கும் ஒரு கூட்டு முயற்சியை உருவாக்க உறுதியான ஒப்பந்தங்களில் கையெழுத்திடுவதாக அறிவித்தன.

மேலே குறிப்பிடப்பட்ட பரிவர்த்தனையின் விளைவாக Viacom18 ஆனது, நீதிமன்றத்தால் அங்கீகரிக்கப்பட்ட திட்டத்தின் மூலம் ஸ்டார் இந்தியா பிரைவேட் லிமிடெட் உடன் இணைக்கப்படும். மே 2024 இல், தேசிய நிறுவன சட்டத் தீர்ப்பாயத்தின் (NCLT) மும்பை பெஞ்ச், ரிலையன்ஸ் இண்டஸ்ட்ரீஸ் லிமிடெட்டின் Viacom18, அதன் முழுச் சொந்தமான துணை நிறுவனமான Digital18 மற்றும் வால்ட் டிஸ்னியின் ஸ்டார் இந்தியா ஆகியவற்றை உள்ளடக்கிய இணைப்புத் திட்டத்திற்கு ஒப்புதல் அளித்தது.

இதுகுறித்து, CCI தனது X பக்கத்தில், "C-2024/05/1155 கமிஷன், ரிலையன்ஸ் இண்டஸ்ட்ரீஸ் லிமிடெட், வயாகாம்18 மீடியா பிரைவேட் லிமிடெட், டிஜிட்டல் 18 மீடியா லிமிடெட், ஸ்டார் இந்தியா பிரைவேட் லிமிடெட் மற்றும் ஸ்டார் டெலிவிஷன் புரொடக்ஷன்ஸ் லிமிடெட் ஆகியவற்றை உள்ளடக்கிய முன்மொழியப்பட்ட கலவையை அங்கீகரிக்கிறது” என பதிவிட்டிருந்தது.

ரிலையன்ஸ் இண்டஸ்ட்ரீஸ் நிறுவனத்துடன் வால்ட் டிஸ்னியின் ஊடக சொத்துக்களை இணைக்க சிசிஐ ஒப்புதல் அளித்துள்ளது. ரூ.70,350 கோடியில் நடைபெறும் இந்த இணைப்பு நடவடிக்கை மூலம், Viacom18, 120 டிவி சேனல்கள், சிஸ்னி பிளஸ் காட்ஸ்டார் மற்றும் ஜியோ சினிமா ஆகியவை ஒரே மீடியா நிர்வாக அதிகாரத்தை உருவாக்கும். இவை மற்ற ஒடிடி தளங்களுக்கு போட்டியாக இருக்கும் எனக் கூறப்படுகிறது.

Read more ; மீண்டுமா..? செந்தில் பாலாஜியின் நீதிமன்ற காவல் 57-வது முறையாக நீட்டிப்பு..!! நீதிபதி அல்லி உத்தரவு..!!