தமிழகம் முழுவதும் 2024-2025 கல்வியாண்டு முதல் M.Phil மாணவர் சேர்க்கை ரத்து...!

2024-2025 கல்வியாண்டு முதல் பல்கலைக்கழகத் துறைகள், இணைப்புக் கல்லூரிகள் மற்றும் அதன் ஆராய்ச்சி நிறுவனங்களில் M.Phil பட்டப்படிப்பை நிறுத்துவதற்கான முடிவை மெட்ராஸ் பல்கலைக்கழகம் அறிவித்துள்ளது. பல்கலைக்கழக மானியக் குழு (யுஜிசி) வெளியிட்ட அறிவிப்பைத் தொடர்ந்து சமீபத்தில் நடந்த பல்கலைக்கழக சிண்டிகேட் கூட்டத்தில் இது தொடர்பாக முடிவு எடுக்கப்பட்டது.

M.phil படிப்பை நிறுத்தும் நடவடிக்கை தேசிய கல்விக் கொள்கையின் ஒரு பகுதியாகும் என்று பல்கலைக்கழக வட்டாரங்கள் தெரிவித்தன. இது குறித்து பல்கலைக் கழகப் பதிவாளர் அனைத்துக் கல்லூரி முதல்வர்களுக்கும் அனுப்பிய சுற்றறிக்கையில்; சிண்டிகேட் முடிவின்படி, 2024-2025ஆம் கல்வியாண்டு முதல் பல்கலைக்கழகத் துறைகள், இணைப்புக் கல்லூரிகள் மற்றும் ஆராய்ச்சி நிறுவனங்களில் வழங்கப்படும் M.Phil பட்டப்படிப்பு நிறுத்தப்படும். எனவே, 2024-2025 கல்வியாண்டு முதல், பல்கலைக்கழகத் துறைகள், இணைப்புக் கல்லூரிகளில் மாணவர் சேர்க்கை கண்டிப்பாக அனுமதிக்க கூடாது என தெரிவித்துள்ளார்.

முந்தைய கல்வி ஆண்டுகளில் அனுமதிக்கப்பட்ட விண்ணப்பதாரர்கள் M.Phil பட்டப்படிப்புகளை வழங்குவதற்காக சென்னைப் பல்கலைக்கழகம் நிர்ணயித்த குறிப்பிட்ட காலத்திற்குள் தங்கள் படிப்பை முடிக்க அனுமதிக்கப்படுவார்கள் என தெரிவிக்கப்பட்டுள்ளது.