சகோதரர் சீமான் அவர்களே..!! பிறந்தநாள் வாழ்த்து தெரிவித்து ட்வீட் போட்ட தவெக தலைவர் விஜய்..!!
அரசியல் கொள்கை ரீதியாக விஜயை வறுத்தெடுத்த சீமானுக்கு, நடிகர் விஜய் பிறந்தநாள் வாழ்த்து தெரிவித்துள்ளார்.
2026 சட்டமன்ற தேர்தலை இலக்காக வைத்து காய்களை நகர்த்தி வரும் விஜய், தமிழக வெற்றிக் கழகத்தின் கொள்கை மாநாட்டை பிரம்மாண்டமான முறையில் விக்கிரவாண்டியில் நடத்தி முடித்தார். அரசியல்களத்தில் தவெக-வை சமீபகாலமாக சீமான் கடுமையாக விமர்சித்து வருகிறார்.
விஜய் அரசியலுக்கு வருவதாக அறிவிப்பு வெளியிடாத வரை விஜய்யை எனது தம்பி என பேசி வந்த சீமான், திடீரென களத்தில் கடும் சொற்களை பயன்படுத்தி பேசியது விவாதத்தை உண்டாக்கி இருந்தது. இந்நிலையில், சீமானுக்கு விஜய் பிறந்தநாள் வாழ்த்து தெரிவித்துள்ளார்.
தவெக தலைவர் விஜய் வெளியிட்டுள்ள எக்ஸ் தள பக்கத்தில், "நாம் தமிழர் கட்சியின் தலைமை ஒருங்கிணைப்பாளர் சகோதரர் திரு.சீமான் அவர்களுக்கு இனிய பிறந்தநாள் நல்வாழ்த்துகளைத் தெரிவித்துக்கொள்கிறேன்" என விஜய் பதிவிட்டுள்ளார். விஜய் அரசியலில் களமிறங்கி கொள்கை மாநாட்டில் பேசும்போது, எதிர்ப்பு அரசியல் பேச நாம் வரவில்லை என்று கூறியிருந்த நிலையில், அந்த கொள்கையை பின்பற்றும் பொருட்டு அவர் வாழ்த்து தெரிவிப்பதாகவே இந்த விஷயம் கவனிக்கப்படுகிறது.
Read More : பெண்ணின் சொந்தக்காரர்களால் குழப்பம்..!! ஜப்பானில் தடபுடலாக நடந்த நெப்போலியன் மகன் கல்யாணம்..!!
