எடப்பாடி பழனிச்சாமி மாஸ்டர் ஸ்ட்ரோக்..!! 'அதிமுகவில் இணைந்த பாஜக மாநில செயலாளர்..' அதிர்ச்சியில் பாஜக.!

பாராளுமன்றத் தேர்தல் நெருங்குவதை முன்னிட்டு அரசியல் கட்சிகளின் தேர்தல் பணிகள் தீவிரமடைந்து இருக்கிறது . கூட்டணி மற்றும் தொகுதி பங்கீடு தொடர்பான பேச்சு வார்த்தைகள் நடைபெற்று வரும் நிலையில் ஒரு கட்சியில் இருந்து மற்றொரு கட்சிக்கு மாறுவதும் தொடர்ந்து நடைபெற்று வருகிறது. அதிமுக கட்சியைச் சார்ந்த முன்னாள் எம்எல்ஏ தனது ஆதரவாளர்களுடன் பாஜகவில் இணைந்தார்

இந்நிலையில் இன்று ஒரே நாளில் மட்டும் பல்வேறு பாஜக நிர்வாகிகள் அந்தக் கட்சியிலிருந்து விலகி அதிமுகவில் இணைந்து இருப்பது அரசியல் வட்டாரங்களில் பரபரப்பை ஏற்படுத்தி இருக்கிறது. முதலமைச்சரின் தொகுதியான கொளத்தூர் தொகுதியைச் சேர்ந்த பாஜக நிர்வாகிகள் இன்று காலை அதிமுகவில் இணைந்த நிலையில் பாரதிய ஜனதா கட்சியின் எஸ்.டி பிரிவு மாநில செயலாளர் கிருஷ்ணகிரி பாப்பண்ணா தனது ஆதரவாளர்களுடன் முன்னாள் முதல்வர் எடப்பாடி பழனிச்சாமி தலைமையில் அதிமுகவில் இணைந்து இருக்கிறார். இந்த சம்பவம் பாஜகவிற்கு கடும் அதிருப்தியை ஏற்படுத்தியுள்ளது.