உஷார்!. ஹேர் ட்ரையர் வெடித்து விபத்து!. பெண்ணின் இரு கைகளும் துண்டான அதிர்ச்சி!
Hair Dryer Explodes: கர்நாடகாவில் ஆன்லைனில் ஆர்டர் செய்யப்பட்ட ஹேர் ட்ரையர் வெடித்த விபத்தில் பெண்ணின் இரு கைகளும் துண்டான சம்பவம் பெரும் அதிர்ச்சியை ஏற்படுத்தியுள்ளது.
கர்நாடகா மாநிலம் பாகல்கோட் பகுதியை சேர்ந்தவர் சசிகலா. இவர், ஆன்லைனில் ஹேர் ட்ரையர் ஒன்றை ஆர்டர் செய்துள்ளார். இந்தநிலையில், டெலிவரி செய்யப்பட்டபோது சசிகலா வெளியூர் சென்றதால், பாசம்மா என்பவரிடம் அதை வாங்கி வைக்க கூறியுள்ளார். இதையடுத்து, சில நாட்கள் கழித்து அந்த ஹேர் ட்ரையரை திறந்து பார்க்கும்படி பாசம்மாவிடம் சசிகலா கூறியுள்ளார். அப்போது அது திடீரென விடித்து சிதறியது. இதனால் பலத்த காயமடைந்த பாசம்மாவிற்கு இரு கைகளும் துண்டாகின. இதையடுத்து, அவர் மருத்துவமனையில் அனுமதிக்கப்பட்டு சிகிச்சை பெற்று வருகிறது.
இந்த சம்பவம் குறித்து போலீசார் விசாரணை செய்ததில், இந்த ஹேர் ட்ரையர் விசாகப்பட்டினத்தில் தயாரிக்கப்பட்டு பாகல்கோட்டில் இருந்து தனியார் கூரியர் நிறுவனம் மூலம் அனுப்பப்பட்டதும் தெரியவந்தது. மேலும் இது தொடர்பாக பல்வேறு கோணங்களில் போலீசார் விசாரணை மேற்கொண்டு வருகின்றனர்.