உடல் எடையை குறைக்க இரவு உணவை தவிர்ப்பவரா நீங்கள்..? உங்களுக்கு மிகப்பெரிய ஆபத்து காத்திருக்கு..!!
உடல் எடையை குறைக்க இரவு உணவைத் தவிர்ப்பது ஆரோக்கியமானதா? நிபுணர்கள் சொல்வது என்ன? என்பதை இந்தப் பதிவில் பார்க்கலாம்.
உடல் எடையை கட்டுக்குள் வைத்திருக்க வேண்டும் என்பதே பலரின் ஏக்கமாக உள்ளது. இதற்காக சிலர் உடற்பயிற்சி, நடைபயிற்சி, டயட் என பல முயற்சிகளை மேற்கொண்டு வருகின்றன. சில காரணங்களால் உங்கள் உடல் எடை அதிகரித்தால், விரைவாக எடையைக் குறைக்க நாம் அடிக்கடி அறிவியல் பூர்வமற்ற முறைகளை நாடுகிறோம். அந்த வகையில், சந்தையில் கிடைக்கும் பல எடை குறைப்பு மாத்திரைகள் பலரும் உட்கொள்கின்றன. ஆனால், அவை பக்க விளைவுகளை ஏற்படுத்த வாய்ப்புள்ளது.
மற்றும் சிலர் உணவைத் தவிர்க்கிறார்கள். குறிப்பாக, இரவு உணவை பலரும் தவிர்க்கின்றனர். ஆனால், இரவு உணவைத் தவிர்ப்பது ஆரோக்கியமானதா மற்றும் பாதுகாப்பானதா? இரவு உணவு அன்றைய இறுதி உணவாக மட்டுமல்லாமல், உறங்கும் முன் உங்கள் உடலுக்குத் தேவையான கலோரிகள் மற்றும் ஊட்டச்சத்துக்களை வழங்குவதற்கான கடைசி வாய்ப்பாகவும் செயல்படுகிறது. தூக்கம் என்பது உணவு இல்லாமல் 24 மணி நேர சுழற்சியில் மிக நீண்ட காலத்தை குறிக்கிறது. இந்த நீட்டிக்கப்பட்ட உண்ணாவிரதக் காலத்தில் உடலின் தேவைகளைத் தக்கவைக்க இரவு உணவு அவசியம்.
இரவு உணவைத் தவிர்ப்பது உடல் எடையைக் குறைக்கும் போது குறுகிய காலப் பலன்களைத் தரும். அதே வேளையில், அது நீண்ட காலத்திற்கு பல்வேறு உடல்நலப் பிரச்சனைகளுக்கும் வழிவகுக்கும். குறிப்பாக, உடலின் வளர்சிதை மாற்ற விகிதத்தை பாதித்து, பசியை அதிகரிக்கும். இது நுண்ணூட்டச் சத்து குறைபாடுகளை ஏற்படுத்தும் என்று மருத்துவர்கள் எச்சரிக்கின்றனர். இரவு உணவைத் தவிர்ப்பது இரத்த சர்க்கரை அளவுகளில் ஏற்ற இறக்கங்களை ஏற்படுத்தலாம். இது நடுக்கம் அல்லது குறைந்த ஆற்றல் போன்ற உணர்வுகளுக்கு வழிவகுக்கும். நீரிழிவு நோயாளிகளுக்கு, உணவைத் தவிர்ப்பது மிகவும் ஆபத்தானது.
மேலும், உணவைத் தவிர்ப்பது மன நலனில் தீங்கு விளைவிக்கும். 2020இல் இன்னோவேஷன் இன் ஏஜிங் இதழில் வெளியிடப்பட்ட ஆய்வில், உணவைத் தவிர்க்கும் வயதான பெரியவர்கள் மனச்சோர்வு, பதட்டம் மற்றும் தூக்கமின்மை போன்ற அறிகுறிகளை அனுபவிக்கும் வாய்ப்புகள் அதிகம் என்று கண்டறியப்பட்டுள்ளது. சரியான நேரத்தில் சரிவிகித உணவை உட்கொள்வது உடல் எடையை குறைக்க உதவுவதுடன் ஆரோக்கியத்திற்கும் நல்லது என்று நிபுணர்கள் தெரிவிக்கின்றனர்.
