முக்கிய அறிவிப்பு...! 10,11 மற்றும் 12-ம் வகுப்பு பொதுத்தேர்வு எழுத விரும்பும் மாணவர்களுக்கு இன்று முதல் விண்ணப்பம்...!

10,11 மற்றும் 12-ம் வகுப்பு பொதுத்தேர்வு எழுத விரும்பும் தனித்தேர்வர்கள் விண்ணப்பிக்கலாம் என பள்ளிக்கல்வித்துறை அறிவிப்பு.

இன்று முதல் ஜனவரி 10-ம் தேதி வரை மாவட்டங்களில் அமைக்கப்பட்டுள்ள அரசு தேர்வுத் துறை சேவை மையங்களுக்கு உரிய ஆவணங்களுடன் நேரில் சென்று இணைய வழியில் விண்ணப்பங்களைப் பதிவு செய்ய வேண்டும். டிச. 31, ஜனவரி 1, ஜனவரி 7 ஆகிய நாட்கள் நீங்கலாக இடைப்பட்ட தேதிகளில் அரசு தேர்வுகள் துறை சார்பில் மாவட்ட ரீதியாக அமைக்கப்பட்டுள்ள மாவட்ட தேர்வுகள் இயக்கக சேவை மையங்களுக்கு காலை 11 முதல் மாலை 5 மணி வரை நேரில் சென்று விண்ணப்பிக்கலாம்.

மேற்கண்ட தேதிகளில் விண்ணப்பிக்கத் தவறிய தேர்வர்கள், ஜனவரி 11, 12 ஆகிய தேதிகளில் தேர்வுக் கட்டணத்துடன் கூடுதலாக, 12-ம் வகுப்பு மாணவர்களுக்கு ரூ.1000 மற்றும் 10-ம் வகுப்பு மாணவர்களுக்கு ரூ. 500 ஆன்லைனில் தட்கல் முறையில் செலுத்த வேண்டும். மாவட்ட வாரியாக அமைக்கப்பட்டுள்ள அரசு தேர்வுகள் இயக்கக சேவை மைய விவரங்கள் மற்றும் இணையதளத்தில் விண்ணப்பிப்பதற்கான வழிமுறைகள், தகுதிகளை www.dge.tn.gov.in என்கிற இணையதளத்தில் தேர்வர்கள் தெரிந்து கொள்ளலாம்.