”விமான பயணிகளே நோட் பண்ணிக்கோங்க”..!! ”இனி 3,000 மீட்டரை கடந்தால் தான் வைஃபை வசதி”..!! வெளியான புதிய அறிவிப்பு..!!

இந்திய விமானப் பரப்பில், வைஃபை சேவைகள் அனுமதிக்கப்படுவதற்கு விமானம் குறைந்தது 3 ஆயிரம் மீட்டர் உயரத்தை அடைந்திருக்க வேண்டும் என்று தெரிவிக்கப்பட்டுள்ளது. இதுதொடர்பான கொள்கை முதன்முதலில் 2018ஆம் ஆண்டில் அறிமுகம் செய்யப்பட்ட நிலையில், 2024இல் புதிய திருத்தங்கள் மேற்கொள்ளப்பட்டுள்ளன.

இந்த புதிய விதிகள் காரணமாக, நில அமைப்பில் உள்ள நெட்வொர்க்குகளைத் தொந்தரவு செய்யாமல், பயணிகளுக்கான சிக்கலற்ற இணைய இணைப்பு வழங்கப்படுகிறது. அதாவது, விமானப் பயணத்தில் வைஃபை (Wi-Fi) பயன்படுத்தும் விதிமுறைகள் மாற்றியமைக்கப்பட்டுள்ளன. பயணிகள் 3,000 மீட்டர் அல்லது 10,000 அடி உயரத்தை எட்டிய பின்னரே, வைஃபை சேவைகளைப் பயன்படுத்த முடியும் என்று இந்திய அரசு அறிவித்துள்ளது.

இந்த புதிய விதிமுறைகள் சர்வதேச விமானப் பயண வைஃபை சேவை தரங்களுக்கு இணங்கும் வகையில் அமைக்கப்பட்டுள்ளது. உலகின் பல நாடுகளில் விமானம் அதன் நிர்ணயிக்கப்பட்ட உயரத்தை எட்டிய பிறகே வைஃபை சேவைகளைப் பயன்படுத்த முடியும். அதேபோல, இந்திய விமானப் பயணிகளும் 3,000 மீட்டர் உயரத்தில் வைஃபை சேவையை பெறுவார்கள். இதனால் உலகளாவிய தரத்தினைத் தழுவி இந்திய விமானப் பயணத்தில் இணைய இணைப்பை பயணிகளுக்கு வழங்க முடியும்.

இந்த புதிய விதிமுறைகள், விமானப் பயணங்களின் போது பயணிகள் எதிர்பார்க்கும் இணைய இணைப்பினை உறுதி செய்கிறது. பாதுகாப்பு விதிகளைப் பின்பற்றிச் செயல்படுத்தப்பட்டுள்ளதால், விமானங்களில் தடை இல்லாமல் பயணிகள் வைஃபை பயன்பாட்டை அனுபவிக்க முடியும்.

Read More : எலெக்ட்ரிக் ஸ்கூட்டருக்கு சிறந்த பைனான்ஸ் வழங்கும் நிறுவனங்கள் பற்றி தெரியுமா..? மிஸ் பண்ணிடாதீங்க..!!