பெரும் சோகம்...! அதிமுக முன்னாள் MLA மாரடைப்பால் காலமானார்...! எடப்பாடி பழனிச்சாமி இரங்கல்...!

மாரடைப்பால் காலமான முன்னாள் எம்எல்ஏவும், கட்சியின் கந்திலி ஒன்றியச் செயலாளருமான கே.ஜி.ரமேஷின் மறைவுக்கு அதிமுக பொதுச் செயலாளர் எடப்பாடி பழனிசாமி இரங்கல் தெரிவித்துள்ளார்.

இது குறித்து எடப்பாடி பழனிச்சாமி வெளியிட்ட இரங்கல் செய்தியில்; 2011ஆம் ஆண்டு நடைபெற்ற சட்டமன்றத் தேர்தலில் திருப்பத்தூர் தொகுதியில் இருந்து தேர்ந்தெடுக்கப்பட்ட அவர், கட்சிப் பொறுப்பாளரும், முன்னாள் எம்எல்ஏவுமான கே.ஜி.ரமேஷின் மறைவைக் கேட்டு அதிர்ச்சியும் வருத்தமும் அடைந்தேன்.

ரமேஷ் கட்சிக்கும், தலைமைக்கும் விசுவாசமானவர். கட்சிக்கு பல்வேறு பதவிகளில் பணியாற்றினார். எனது குடும்பத்தாருக்கும், கட்சித் தொண்டர்களுக்கும் துக்கத்தைப் போக்க வலிமையும், தைரியமும் அளிக்க எல்லாம் வல்ல இறைவனைப் பிரார்த்திக்கிறேன். அவரது ஆன்மா சாந்தியடைய எல்லாம் வல்ல இறைவனைப் பிரார்த்திக்கிறேன் என எடப்பாடி பழனிசாமி தனது இரங்கல் செய்தியில் தெரிவித்துள்ளார்..

அரசியல் வரலாறு:

கடந்த 2001 ஆம் ஆண்டு நடைபெற்ற ஊரக உள்ளாட்சி தேர்தலில் அதிமுக சார்பில் காக்கங்கரை ஊராட்சியில் கவுன்சிலராக போட்டியிட்டு பெருவாரியான வாக்குகள் வித்தியாசத்தில் வெற்றி பெற்றார். இதனையடுத்து கந்தலி ஒன்றிய குழுத்தலைவராக அதிமுக சார்பில் தேர்ந்தெடுக்கப்பட்டு சிறப்பாக பணியாற்றி வந்த நிலையில் அவருக்கு மறைந்த முதல்வர் ஜெயலலிதா கந்திலி ஒன்றிய செயலாளராக பதவி வழங்கினார்.

பின்னர் கடந்த 2011ஆம் ஆண்டு நடைப்பெற்ற சட்டமன்ற தேர்தலில் திருப்பத்தூர் தொகுதியில் போட்டியிட்ட இவர் அவரை எதிர்த்து போட்டியிட்ட திமுக வேட்பாளரை பல ஆயிரம் வாக்குகள் வித்தியாசத்தில் வீழ்த்தி அதிமுக சட்டமன்ற உறுப்பினரானார் என்பது குறிப்பிடத்தக்கது.