அமெரிக்காவில் புலம்பெயர்ந்த ஆப்பிரிக்கர்கள் பூனையை கொன்று உண்ணும் வீடியோ வைரல்..!! - கமலா ஹாரிஸ்-க்கு நெருக்கடி

குடியரசுக் கட்சியின் துணைத் தலைவர் வேட்பாளரான ஜே.டி. வான்ஸால் பகிரப்பட்ட ஒரு புதிய வீடியோ, மாநிலத்தில் செல்லப்பிராணிகளைக் கடத்திச் சென்று சாப்பிடும் புலம்பெயர்ந்தோர் பற்றிய வதந்திகளைத் தூண்டி வருகிறது : ஓஹியோவின் டேட்டனில் உள்ள பார்பிக்யூவில் பூனைகள் வறுக்கப்படுவதை காட்டும் வீடியோ ஒன்று வெளியாகியுள்ளது. இந்த வீடியோவை கிறிஸ்டோபர் ரூஃபோ என்பவர் முதலில் தனது எக்ஸ் பக்கத்தில் பகிர்ந்துள்ளார், அந்த பதிவில், " டேட்டனில் உள்ள ஆப்பிரிக்க குடியேறியவர்கள் பூனைகளை கொன்று சாப்பிடுகிறார்கள் என பதிவிட்டிருந்தார்.

ஆகஸ்ட் 25, 2023 தேதியிட்ட அந்த வீடியோவில், நீல நிற பார்பிக்யூவின் மேல் இரண்டு தோல் சீவப்பட்ட பூனைகள் இருப்பதும், அதன் அருகில் இரண்டு உயிருள்ள பூனைகள் நடப்பதும் காட்டப்பட்டது. ஸ்பிரிங்ஃபீல்டில் இருந்து சுமார் 30 நிமிடங்களில் டேட்டனின் பார்க்வுட் டிரைவ் பகுதியில் வீடியோ எடுக்கப்பட்டதாக அவர் கூறினார். வீடியோவை படம் பிடித்த நபருடன் தான் பேசியதாக ரூஃபோ கூறினார்.

பெயரிடப்படாத அந்த நபரின் கூற்றுப்படி, " சில ஆப்பிரிக்கர்கள் எனது தாயின் பக்கத்து வீட்டில் தங்கியிருந்தனர், பக்கத்து வீட்டு ஆப்பிரிக்க நபர் பூனையை கொன்று கிரில் மீது வைத்திருந்தார்." என அந்த நபர் கூறியுள்ளார். டொனால்ட் டிரம்ப் ஜூனியர் இந்த வீடியோவிற்கு பதிலளித்து, "இடதுசாரி ஊடகங்களில் ஏன் இதுவரை யாரும் இது குறித்து கருத்து தெரிவிக்கவில்லை? இது வெறும் கற்பனை என்று அவர்கள் கூற முடியாது என பதிவிட்டிருந்தார். குடியேறியவர்கள் பூனைகள், நாய்கள் மற்றும் வாத்துகளைக் கொன்று சாப்பிடுகிறார்கள் என்ற சதிக் கோட்பாட்டை முன்னெடுத்த பிறகு பதட்டமான சூழ்நிலையின் மையமாக மாறியது.

Read more ; உடலை கல்லறையில் இருந்து வெளியே எடுத்து ஆடை அணியும் வழக்கம்!. பின்னணி என்ன?