எடப்பாடி பழனிசாமி மீது பாய்கிறது நடவடிக்கை..? சென்னை உயர்நீதிமன்றம் அதிரடி உத்தரவு..!!

அதிமுக அலுவலகம் தாக்குதல் தொடர்பான வழக்கு விசாரணையில் முகாந்திரம் இருந்தால் பொதுச்செயலாளர் எடப்பாடி பழனிசாமி மீது நடவடிக்கை எடுக்கலாம் என்று உயர்நீதிமன்றம் தெரிவித்துள்ளது.

கடந்தாண்டு ஜூலை மாதம் 11ஆம் தேதி அதிமுக பொதுக்குழு நடைபெற்ற போது ஓ.பன்னீர்செல்வம் தரப்பினர் அதிமுக அலுவலகத்தை தாக்கி, அங்கிருந்த ஆவணங்களை எடுத்துச் சென்றுவிட்டதாக ராயப்பேட்டை காவல் நிலையத்தில் வழக்குப் பதிவு செய்யப்பட்டது. இந்த வழக்கானது சிபிசிடிக்கு மாற்றப்பட்டது.

அதேபோல அன்றைய தினம் அதிமுக அலுவலகத்தில் தங்களை எடப்பாடி அணி குண்டர்கள் தாக்கியதாக ஓபிஎஸ் ஆதாரவாளரான ஜேடிசி பிரபாகரன் ராயப்பேட்டை காவல் நிலையத்தில் புகார் அளித்தார். அதில் எடப்பாடி பழனிசாமி, சிவி சண்முகம், டி.நகர் சத்யா உள்ளிட்டோர் மீது நடவடிக்கை எடுக்க வேண்டும் என கோரிக்கை வைத்திருந்தார்.

இந்த புகாரின் மீது உரிய நடவடிக்கை எடுக்க போலீசுக்கு உத்தரவிட கோரி ஜேடிசி பிரபாகரன் சென்னை ஐகோர்ட்டிலும் மனுத்தாக்கல் செய்திருந்தார். இந்த மனுவை விசாரித்த நீதிபதி இளந்திரையன், இது தொடர்பாக விசாரணை நடத்தி முகாந்திரம் இருந்தால் 2 வாரங்களில் எடப்பாடி பழனிசாமி மீது நடவடிக்கை எடுக்க காவல்துறைக்கு உத்தரவிட்டு, வழக்கை முடித்து வைத்தார்.