ஆதாரே ஆதாரம்!… விட்றாதீங்க மக்களே!… டிச.14 வரை தான் கெடு!… அப்டேட் செஞ்சுடுங்க!

இந்தியர்களுக்கு ஆதார் அட்டை என்பது முக்கிய ஆவணங்களில் ஒன்றாகும். ஆதார் அட்டை இல்லையென்றால் உங்களால் சிம் கார்டு கூட வாங்க முடியாது. மேலும் நீங்கள் யார் என்பதற்காக ஒரு அடையாள அட்டையே ஆதார் அட்டைதான். இவ்வளவு முக்கியத்துவம் வாய்ந்த ஆதார் அட்டையை நீங்கள் 10 ஆண்டுகளுக்குமேல் புதுபிக்காமல் இருந்தால் பல சிக்கல்களை சந்திக்க நேரிடும். ஏனெனில் நீங்கள் 10 ஆண்டுகள் ஆதார் அட்டையை புதுபிக்காமல் இருந்தால் உங்கள் ஆதார் அட்டையை வைத்து பல மோசடிகள் செய்ய வாய்ப்புள்ளது. ஏனெனில் ஆரம்ப காலங்களில் விழிப்புணர்வு இல்லாமல் ஆதார் அட்டை தகவல்களை மக்கள் பல இடங்களில் பகிர்ந்துள்ளனர்.

சமீபகாலமாக பல ஆன்லைன் மோசடி கும்பல்கள் உங்கள் ஆதார் அட்டையை வைத்து பல வங்கிகளில் கட வாங்கி உங்களை சிக்கலில் மாடி விடவும், உங்கள் வங்கிக் கணக்கில் உள்ள பணத்தை எடுக்கௌம் அதிக வாய்ப்புகள் உண்டு. அதனால் UIDAI அமைப்பு 10 ஆண்டுகள் நீங்கள் முகவரி அல்லது தொலைபேசி எண்ணை மாற்றியிருந்தால் கூட உடனே அதாரில் அப்டேட் செய்ய வேண்டும் என தெரிவித்துள்ளது. அதையும் இலவசமாக புதுப்பிக்கும் வாய்ப்பும் கொடுக்கப்பட்டுள்ளது.

10 ஆண்டுகள் பழமையான ஆதார் அட்டையை புதுப்பிக்க மத்திய அரசு அறிவிப்பு வெளியிட்டது. உங்களின் 10 வருட ஆதார் அட்டையைப் புதுப்பிக்க விரும்பினால், UIDAI இணையதளம் அல்லது ஆதார் மையத்த்திற்கு செல்வதன் மூலம் இதைச் செய்ய வேண்டும். இதற்காக உங்களிடமிருந்து எந்த கட்டணமும் வசூலிக்கப்படாது. ஆதார் அட்டையை இலவசமாகப் புதுப்பிப்பதற்கான காலக்கெடு டிச.14 ஆம் தேதியாக நிர்ணயிக்கப்பட்டுள்ளது.

ஆதாரில் உள்ள சில தகவல்களை புதுப்பிப்பதற்கு UIDAI கட்டணம் வசூலிக்கிறது. இருப்பினும், டிச.14, 2023 வரை இவற்றைப் புதுப்பிப்பதற்கு கட்டணம் ஏதும் இல்லை. முன்பு எந்தெந்த விஷயங்களைப் புதுப்பிப்பதற்கு எவ்வளவு கட்டணம் இருந்தது என்பதை அறிந்து கொள்ளலாம். 5 வயது, 15 வயது மற்றும் 17 வயதுக்கு மேற்பட்ட எந்தவொரு நபருக்கும் பயோமெட்ரிக் ஆதாரை புதுப்பிக்க ரூ.100 கட்டணம் வசூலிக்கப்படும். மக்கள்தொகை தரவுகளுக்காக 50 ரூபாய் வசூலிக்கப்படுகிறது. மக்கள்தொகை தரவு இல்லாமல் பயோமெட்ரிக் அப்டேட் செய்ய ரூ.100 வசூலிக்கப்படும்.

மக்கள்தொகை தரவுகளை ஆன்லைனில் புதுப்பிக்க ரூ.50 கட்டணம் வசூலிக்கப்படும். ஆதார் பதிவிறக்கம் மற்றும் கலர் பிரிண்டிற்கு ரூ.30 கட்டணம் வசூலிக்கப்படும். அடையாள மற்றும் முகவரி ஆவணங்களை புதுப்பிக்க 25 ரூபாய் கட்டணம் வசூலிக்கப்படும். PIN அடிப்படையிலான முகவரியைப் புதுப்பிக்க ரூ.50 வசூலிக்கப்படும். ஆதாரை இரண்டு வழிகளில் புதுப்பிக்கலாம். இதில் ஆன்லைன் மற்றும் ஆஃப்லைன் முறைகளும் அடங்கும். சில பணிகளை ஆன்லைன் மூலம் புதுபிக்க முடியாது அதனால் ஆதார் சேவை மையங்களுக்குச் சென்றுதான் புதுபிக்க வேண்டும். அதற்கு கட்டணம் வசூலிக்கப்படும்.