நேற்று தஞ்சை.. இன்னைக்கு மதுரை.. காதலிக்க மறுத்த இளம் பெண் மீது கொடூர தாக்குதல்..!!

மதுரை ஒத்தக்கடை பகுதியில் ஜெராக்ஸ் கடையில் பணியாற்றி வந்த இளம்பெண்ணை அங்கு வந்த சித்திக் ராஜா என்ற இளைஞர் கொடூரமாக தாக்கிய சம்பவம் பரபரப்பை ஏற்படுத்தியுள்ளது. பலத்த காயமடைந்த பெண்ணுக்கு மதுரை ராஜாஜி அரசு மருத்துவமனையில் சிகிச்சை அளிக்கப்பட்டு வருகிறது. பெண் மீது நடந்த கொலைவெறித் தாக்குதல் குறித்து ஒத்தக்கடை போலீசார் வழக்குப் பதிவு விசாரணை நடத்தி வருகின்றனர்

இந்த தாக்குதல் சம்பவம் தொடர்பான சிசிடிவி காட்சி வெளியாகியுள்ளது. அந்த காட்சியில், ஒரு இளைஞர், ஜெராக்ஸ் கடைக்கு வந்து, அந்த இளம்பெண்ணிடம் பேசிக் கொண்டிருக்கிறார். ஒருகட்டத்தில் கோபமடைந்து, அந்த இளம்பெண்ணை சரமாரியாக தாக்குகிறார். காதலிக்க மறுத்ததால் அந்த பெண் மீது தாக்குதல் நடத்தப்பட்டதாக கூறப்படுகிறது.

நேற்று தஞ்சாவூர் மாவட்டத்தில் அரசுப் பள்ளி ஆசிரியை ஒருவர் பள்ளியின் உள்ளேயே கொலை செய்யப்பட்ட சம்பவத்தின் அதிர்ச்சி அடங்குவதற்குள், மதுரையில் காதலிக்க மறுத்த இளம்பெண் மீது தாக்குதல் நடத்தும் சிசிடிவி வீடியோ வெளியாகி தமிழகத்தில் அதிர்வலைகளை ஏற்படுத்தி உள்ளது.

Read more ; அதானி மீதான லஞ்ச குற்றசாட்டு.. ரூ. 2.2 லட்சம் கோடி பங்குகளை இழந்த அதானி குழுமம்..!!