யாருக்குமே தெரியாத மொழியில் பேசும் மக்கள்!! இங்குள்ள எந்த பொருளையும் தொடக்கூடாது... வினோத விதிகள் கொண்ட இந்திய கிராமம்!

நம் நாட்டில் பல ரகசியங்கள் நிறைந்த மர்மமான இடங்கள் பல உள்ளன.. அந்த வகையில் இமாச்சல பிரதேசம் மாநிலத்திலும் இதே போன்ற பல மர்மமான இடங்கள் உள்ளன. அப்படி ஒரு மர்ம கிராமத்தை பற்றி தான் தற்போது பார்க்கப் போகிறோம். ஹிமாச்சல பிரதேசத்தில் இருந்த குலு மாவட்டத்தில் சுமார் 12 ஆயிரம் அடி உயரத்தில் அமைந்துள்ள மலானா கிராமம் முற்றிலும் தனித்துவமானது. அழகான பள்ளத்தாக்குகளால் சூழப்பட்ட இந்த கிராமம் உலகம் முழுவதிலுமிருந்து மக்களை ஈர்க்கும் மையமாக உள்ளது. எனினும் இங்கு சில விசித்தரமான பழக்கங்கள் பின்பற்றப்படுகின்றன.

இந்த இடத்தில் வசிப்பவர்கள் தங்களை அலெக்சாண்டரின் வழித்தோன்றல்கள் என்று அழைக்கிறார்கள். அலெக்சாண்டரின் காலத்து வாள் ஒன்று கிராமக் கோவிலில் வைக்கப்பட்டுள்ளதாக கூறப்படுகிறது. இந்தக் கிராமத்தில் பல வரலாற்றுக் கதைகளும், மர்மங்களும், தீர்க்கப்படாத கேள்விகளும் உள்ளன. சுமார் 1700 மக்கள்தொகை கொண்ட இந்த கிராமம் சுற்றுலா பயணிகள் மத்தியில் மிகவும் பிரபலமானது. இருப்பினும், மலானாவை அடைவது மிகவும் கடினம். இந்த கிராமத்திற்கு சாலை இல்லை. மலைப்பாதைகள் வழியாக மட்டுமே அங்கு செல்ல முடியும். பார்வதி பள்ளத்தாக்கின் அடிவாரத்தில் அமைந்துள்ள ஸாரி கிராமத்திலிருந்து நேரடியாக ஏறலாம். ஸாரியில் இருந்து மலானாவை அடைய சுமார் 4 மணி நேரம் ஆகும்.

இந்த கிராமத்துடன் தொடர்புடைய பல வரலாற்றுக் கதைகள், மர்மங்கள் மற்றும் தீர்க்கப்படாத பல கேள்விகள் உள்ளன. அவற்றில் ஒன்று, இங்குள்ள மக்கள் தங்களை கிரேக்கத்தின் புகழ்பெற்ற மன்னரான மாமன்னர் அலெக்சாண்டரின் சந்ததியினர் என்று கூறிக் கொள்கிறார்கள். அலெக்சாண்டர் இந்துஸ்தானைத் தாக்கியபோது, ​​அவரது வீரர்கள் சிலர் மலானா கிராமத்தில் தஞ்சம் புகுந்தனர், பின்னர் அவர்கள் அங்கேயே இருந்தார்கள் என்று கூறப்படுகிறது.

இங்குள்ள மக்கள் அலெக்ஸாண்டர் படையை சேர்ந்த வீரர்களின் சந்ததியினர் என்று அழைக்கப்படுகிறார்கள். இருப்பினும், இது இன்னும் முழுமையாக நிரூபிக்கப்படவில்லை. அலெக்ஸாண்டரின் காலத்தில் இருந்த பல விஷயங்கள் மலானா கிராமத்தில் கண்டுபிடிக்கப்பட்டுள்ளன. அலெக்ஸாண்டரின் காலத்திலிருந்து ஒரு வாள் இந்த கிராமத்தின் கோவிலிலும் வைக்கப்பட்டுள்ளது என்று கூறப்படுகிறது.

இங்குள்ள மக்கள் கனாஷி என்ற மொழியைப் பேசுகிறார்கள், இது மிகவும் மர்மமானது. அவர்கள் அதை ஒரு புனித மொழியாக கருதுகிறார்கள். இதன் சிறப்பு என்னவென்றால், இந்த மொழி மலானாவை தவிர உலகில் வேறு எங்கும் பேசப்படுவதில்லை. மேலும் இந்த மொழி மக்கள் வேறு யாருக்கும் புரியாது. இந்த மொழி வெளியாட்களுக்கு கற்பிக்கப்படவில்லை. பல நாடுகளில் இந்த மொழி குறித்து ஆராய்ச்சி மேற்கொள்ளப்பட்டு வருகிறது.

மலானாவின் பெரியவர்கள் வெளி நபர்களுடன் கைகுலுக்குவதையும், அவர்களைத் தொடுவதையும் தவிர்க்கிறார்கள். நீங்கள் இங்குள்ள கடையிலிருந்து சில பொருட்களை வாங்கினால், கடைக்காரர் அதை உங்கள் கையில் கொடுப்பதற்கு பதிலாக அதை மேசையில் தான் வைப்பார். மேலும் உங்கள் கையில் இருந்து பணத்தை வாங்கமாட்டார், அதற்கு பதில் பணத்தை மேசையில் வைக்கச் சொல்வார்.

இந்த கிராம மக்கள் தங்கள் கிராமத்திற்குள் மட்டுமே திருமணங்களை செய்கின்றனர். கிராமத்திற்கு வெளியே யாராவது திருமணம் செய்து கொண்டால், அவர் சமூகத்திலிருந்து வெளியேற்றப்படுகிறார். இருப்பினும், அத்தகைய நிகழ்வுகள் அரிதாகவே நடக்கிறது.

இங்கு சரஸ் என்ற பொருள் மிகவும் பிரபலமானது. கஞ்சா செடியிலிருந்து தயாரிக்கப்படும் ஒருவகையான போதைப்பொருள் பொருள் சரஸ். அதன் மிகப்பெரிய அம்சம் என்னவென்றால், மலானா மக்கள் அதை கைகளால் தேய்த்து தயார் செய்து பின்னர் வெளியாட்களுக்கு விற்கிறார்கள். இருப்பினும், இது கிராமத்தின் குழந்தைகளையும் பாதித்துள்ளது கவலையளிக்கக்கூடிய விஷயமாக உள்ளது.

இங்குள்ள குழந்தைகள் மிகச் சிறிய வயதிலேயே போதைப்பொருள் விற்பனை செய்யும் தொழிலுக்குச் செல்கிறார்கள். இங்குள்ள அனைத்து விருந்தினர் மாளிகைகளும் இரவில் மூடப்பட்டிருப்பதால், பகலில் மட்டுமே வெளி நபர்கள் மலானாவில் அனுமதிக்கப்படுகிறார்கள் என்பது குறிப்பிடத்தக்கது.