பழிவாங்க துடிக்கும் பாம்பு!… இறந்தபின்பும் ஒருமணிநேரம் உயிருடன் இருக்கும் தலை!… அறிவியல் உண்மை!

உயிர்களைக் கொல்வது எந்த வகையிலும் சரியல்ல. ஆனால் பல சமயங்களில் கோபத்தினாலோ அல்லது பயத்தினாலோ மக்கள் இத்தகைய நடவடிக்கைகளை மேற்கொள்கின்றனர். குறிப்பாக பாம்புகளுக்கு இது நடக்கும். கிராமத்தில் யாருடைய வீட்டிற்குள் பாம்பு வந்தால், அது யாரையாவது கடித்துவிடுமோ என்ற பயத்தில் மக்கள் அதைக் கொன்று விடுகிறார்கள். பல சமயங்களில், பாம்பு யாரையாவது கடித்ததால், மக்கள் கோபமடைந்து பாம்பைக் கொன்று விடுகிறார்கள். சரி, பாம்பை கொன்ற பிறகு அதன் தலையை ஏன் நசுக்கி மண்ணில் புதைக்கிறார்கள் என்றும் இதற்குப் பின்னால் உள்ள அறிவியல் காரணம் குறித்தும் இந்த தொகுப்பில் பார்க்கலாம்.

இதுகுறித்து சயின்ஸ் ஃபேக்ட் அறிக்கையின்படி, பாம்புகள் இறந்தாலும், அவற்றின் தலை சுமார் ஒரு மணி நேரம் உயிருடன் இருக்கும். அதாவது உடல் உயிரற்ற பிறகும், பாம்பின் தலையில் உயிர் இருக்கும், அந்த நேரத்தில் அது யாரை வேண்டுமானாலும் குறிவைக்கும் என்றும் குறிப்பிடப்பட்டுள்ளது. இதனால் தான், பாம்பை கொன்ற பின், அதன் தலையை நசுக்கி அல்லது மண்ணில் புதைத்து விடுவதால், யாரும் தற்செயலாக அதன் தலையை மிதிக்காமல், பாம்புக்கு பலியாகாமல் காப்பாற்றப்படுவார்கள் என்று கூறப்படுகிறது.

அமெரிக்காவின் மிசோரி சதர்ன் ஸ்டேட் யுனிவர்சிட்டியின் பேராசிரியர் டேவிட் பென்னிங், இது குறித்து சயின்ஸ் ஃபேக்ட்டுக்கு அளித்த பேட்டியில், பாம்பு தனது உடலின் உட்புற வெப்பநிலையை சமமாக வைத்திருக்க தேவையில்லை என்று கூறுகிறார். ஆக்சிஜனுக்கு அவ்வளவு ஆற்றல் தேவைப்படாததற்கு இதுவே காரணம். எந்தவொரு பாலூட்டியின் தலையையும் வெட்டினால், அது சில நொடிகளில் இறந்துவிடும். இருப்பினும், பாம்புகளுக்கு இது நடக்காது. உண்மையில், பாம்புகள் தங்கள் மூளையை உயிருடன் வைத்திருக்க அவ்வளவு ஆக்ஸிஜன் தேவையில்லை, அதனால்தான் தலை துண்டிக்கப்பட்ட பிறகும், பாம்பின் தலை சுமார் ஒரு மணி நேரம் வரை உயிருடன் இருக்கும். தற்போது, ​​உலகம் முழுவதும் 3700 வகையான பாம்புகள் காணப்படுகின்றன, அவற்றில் சுமார் 600 விஷத்தன்மை கொண்டவை என்று தெரிவித்துள்ளார்.