இளம் வயதிலேயே தரமான சம்பவம்..!! விராட் கோலியின் சாதனையை முறியடித்தார் சுப்மன் கில்..!!

இந்தியன் பிரீமியர் லீக்கில் 3,000 ரன்களை குவித்து கிரிக்கெட் வீரர் சுப்மன் கில் புதிய சாதனை படைத்துள்ளார்.

ஐபிஎல் போட்டி வரலாற்றில் 3,000 ரன்களை குவித்த இளம் கிரிக்கெட் வீரர் என்ற பட்டத்தை பெற்றுள்ளார் சுப்மன் கில். நேற்று (10.04.2024) ராஜஸ்தான் ராயல் அணிக்கு எதிரான போட்டியில் அவர் இந்த சாதனையை நிகழ்த்தியுள்ளார். இதன் மூலம் விராட் கோலியின் சாதனையை அவர் முறியடித்துள்ளார்.

சுப்மன் கில்லுக்கு முன்பு மிகக் குறைந்த வயதில் 3,000 ரன்களை குவித்த விளையாட்டு வீரராக விராட் கோலி இடம்பெற்றிருந்தார். விராட் கோலி தனது 26 வயதில் இந்த சாதனையை படைத்த நிலையில், சுப்மன் கில் தனது 24-வது வயதில் அதை முறியடித்துள்ளார்.

இந்த பட்டியலில் ராஜஸ்தான் ராயல்ஸ் கேப்டன் சஞ்சு சாம்சன் 3-வது இடத்தில் உள்ளார். அவர் 26 வயது 320 நாட்களில் இந்த சாதனை படைத்தார். இதேபோல சுரேஷ் ரெய்னா 4-வது இடத்திலும், ரோஹித் ஷர்மா 5-வது இடத்திலும் உள்ளனர். ரோஹித் ஷர்மா இந்த சாதனையை நிகழ்த்தியபோது அவருக்கு வயது 27.

Read More : ’தமிழ்நாட்டை பின்பற்றி சிக்கிம் மாநிலத்திலும் அம்மா உணவகம்’..!! பாஜக தேர்தல் அறிக்கை..!!