Bomb: சென்னையில் பரபரப்பு...! நாட்டு வெடி வைத்து திமுக பிரமுகர் படுகொலை...! போலீசார் தீவிர விசாரணை...!

வண்டலூர் அருகே திமுக பிரமுகர் வியாழக்கிழமை இரவு ஒரு கும்பலால் வெட்டிக் கொல்லப்பட்டார். அந்த கும்பல் அவரை வெட்டுவதற்கு முன்பு அவரது கார் மீது நாட்டு குண்டுகளை வீசியதாக கூறப்படுகிறது. உயிரிழந்தவர் வி.எஸ். காட்டாங்குளத்தூர் ஊராட்சி ஒன்றிய துணைத் தலைவர் ஆவார்.

வண்டலூர்-வாலாஜாபாத் சாலையில் கட்டப்பட்டு வரும் பேருந்து நிழற்குடையை முதல்வர் ஸ்டாலின் திறந்துவைக்கத் திட்டமிடப்பட்டதை ஆய்வு செய்வதற்காகச் சென்று கொண்டிருந்ததாக காவல்துறை வட்டாரங்கள் தெரிவித்தன. வண்டலூரில் உள்ள பாலம் அருகே சென்றபோது, பைக்கில் வந்த 5 பேர் கொண்ட கும்பல் அவரை வழிமறித்து நாட்டு குண்டுகளை வீசி உள்ளனர். அவர் தப்பிக்க முயன்றபோது, அவரை துரத்திச் சென்று, கத்தியால் அவரது கை, கால்களை சரமாரியாக வெட்டிவிட்டு அங்கிருந்து தப்பிச் சென்றனர்.

படுகாயமடைந்த அவர் குரோம்பேட்டை அரசு மருத்துவமனைக்கு கொண்டு செல்லப்பட்டார், அங்கு அவர் இறந்துவிட்டதாக அறிவிக்கப்பட்டது. குற்றம் நடந்த இடத்தில் திமுகவினர் திரண்டதால் சிறிது நேரம் பதற்றம் நிலவியது. அதை ஒட்டிய பகுதிகளில் போலீசார் பாதுகாப்பை பலப்படுத்தினர். இதுகுறித்து தாம்பரம் நகர காவல் ஆணையர் அமல்ராஜ் கூறுகையில், ""விசாரணையை துவக்கி, சந்தேகத்திற்குரிய நபர்களை பிடிக்க தனிப்படை அமைத்துள்ளோம்,'' என்றார். ரியல் எஸ்டேட் தொழிலில் ஈடுபட்டு வந்த இறந்தவருக்கு அப்பகுதியில் உள்ள சிலருடன் தொழில் போட்டி இருந்ததாக முதல்கட்ட தகவல்கள் தெரிவிக்கின்றன.

English Summary: A DMK functionary was hacked to death by a gang near Vandalur