பெரும் விபத்து: லாரி மீது மோதிய கார்..! 10 பேர் பலி..!

குஜராத் மாநிலம் நாடியாட் என்ற இடத்தில் நிகழ்ந்த சாலை விபத்தில் 10 பேர் உயிரிழந்துள்ளனர்.

குஜராத் மாநிலம் நாடியாட் என்ற இடத்தில் உள்ள அகமதாபாத் வதோதரா விரைவு சாலையில் கார் ஒன்று வதோதராவில் இருந்து அகமதாபாத் நோக்கி வேகமாக சென்றுள்ளது. திடீரென கட்டுப்பாட்டை இழந்த கார், முன்னாள் சென்ற டேங்கர் லாரியின் மீது மோதியது. இந்த விபத்தில் காரில் பயணம் செய்த 10 பேர் சம்பவ இடத்திலையே உயிரிழந்தனர்.

தகவல் அறிந்து சம்பவ இடத்திற்கு வந்த ஆம்புலன்ஸ் வாகனம் மற்றும் போலீசார் விபத்தில் சிக்கியவர்களின் உடலை மீட்டனர். அதனை தொடர்ந்து மீட்கப்பட்ட உடல்களை பிரேத பரிசோதனைக்காக அருகில் உள்ள அரசு மருத்துவ மனைக்கு அனுப்பி வைத்தனர். இந்த விபத்து காரணமாக எக்ஸ்பிரஸ் நெடுஞ்சாலையில் போக்குவரத்து நெரிசல் ஏற்பட்டது.