தேர்வெழுதிவிட்டு வந்த 7 வயது சிறுமியை தனியாக அழைத்துச் சென்று பலாத்காரம்..!! மருத்துவ பரிசோதனையில் அதிர்ச்சி..!!
ராஜஸ்தான் மாநிலம் நாகூர் மாவட்டத்தில் உள்ள இந்திரா நகர் காவல் நிலைய பகுதியைச் சேர்ந்தவர் 7 வயது சிறுமி. இவர், அங்குள்ள பள்ளியில் இரண்டாம் வகுப்பு படித்து வரும் நிலையில், அரையாண்டுத் தேர்வு எழுதுவதற்காக பள்ளிக்குச் சென்றுள்ளார். பின்னர், தேர்வு முடிந்து பள்ளியில் இருந்து மீண்டும் வழக்கம்போல வீட்டிற்கு சென்று கொண்டிருந்தார்.
சிறுமி பேருந்தில் இருந்து இறங்கி தனது வீட்டை நோக்கி நடந்து சென்று கொண்டிருந்தபோது, அருகில் நின்றிருந்த இளைஞன் சிறுமியிடம் பேச்சுக் கொடுத்தான். பின்னர், சிறுமியை மறைவான இடத்திற்கு அழைத்துச் சென்று பாலியல் பலாத்காரம் செய்ததாக கூறப்படுகிறது. அந்த நபரிடம் இருந்து சிறுமி தப்பிக்க முயன்றபோது, முடியவில்லை.
அந்த சிறுமி, ரத்த காயங்களுடன் சம்பவ இடத்தில் மயங்கி கிடந்தார். குற்றம் சாட்டப்பட்ட இளைஞர் சிறுமியை அங்கேயே விட்டுவிட்டு அங்கிருந்து தப்பிச் சென்றுள்ளார். பல மணி நேரங்களுக்குப் பிறகு, சிறுமிக்கு சுயநினைவு திரும்பிய நிலையில், தனது வீட்டிற்கு திரும்பியுள்ளார். சிறுமியின் நிலையை கண்டு பெற்றோர் அதிர்ச்சி அடைந்தனர். இதையடுத்து, சிறுமி உடனடியாக அஜ்மீரில் உள்ள ஜேஎல்என் மருத்துவமனையில் அனுமதிக்கப்பட்டார்.
மருத்துவ பரிசோதனையில் சிறுமி பாலியல் பலாத்காரம் செய்யப்பட்டது உறுதியானது. இச்சம்பவம் குறித்து தகவல் கிடைத்ததும் இந்திராநகர் போலீஸ் இன்ஸ்பெக்டர் நிலேஷ் மைங்கர் மற்றும் போலீஸ் உதவி கமிஷனர் சோஹைல் ஷேக் ஆகியோர் சம்பவ இடத்திற்கு விரைந்து வந்தனர். தலைமறைவான குற்றவாளியை போலீசார் வலைவீசி தேடி வருகின்றனர்.
