மரத்தில் வேன் மோதிய விபத்தில் 6 பேர் பலி!. திருச்செந்தூர் கோவிலுக்கு சென்று திரும்பியபோது நிகழ்ந்த சோகம்!

Accident: கள்ளக்குறிச்சி மாவட்டத்தில் நேற்று இரவு வேன் கட்டுப்பாட்டை இழந்து சாலையோர மரத்தில் மோதிய விபத்தில் 6 பேர் உயிரிழந்தனர் .

ராணிப்பேட்டை மாவட்டம் ஆரணி அருகே உள்ள மாம்பாக்கம் வாழைப்பந்தல் பகுதியில் இருந்து திருச்செந்தூர் முருகன் கோவிலுக்கு சென்றுவிட்டு வேனில் 20 பேர் சென்று கொண்டிருந்ததாக தகவல்கள் தெரிவிக்கின்றன. மேட்டூர்-சென்னை திருச்சி ஜிஎஸ்டி சாலையில் உளுந்தூர்பேட்டை அருகே டிரைவரின் கட்டுப்பாட்டை இழந்த வாகனம் மரத்தில் மோதி விபத்துக்குள்ளானது.

இதில் 2 பெண்கள் உள்பட 6 பேர் சம்பவ இடத்திலேயே உயிரிழந்தனர். தகவல் கிடைத்ததும் போலீசார் மற்றும் தீயணைப்பு படையினர் சம்பவ இடத்திற்கு விரைந்து வந்து காயமடைந்த 14 பயணிகளை மீட்டனர். அவர்கள் சிகிச்சைக்காக விழுப்புரம் முண்டியம்பாக்கம் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டனர். மேலும், மாவட்ட காவல் கண்காணிப்பாளர் ரஜத் சதுர்வேதி சம்பவ இடத்தை பார்வையிட்டு விசாரணை நடத்தினார். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

Readmore: இன்று தேய்பிறை அஷ்டமி..!! பைரவரை இப்படி வழிபட்டால் கடன் தீரும், காரியத் தடைகள் நீங்கும்..!!