பெண் தற்கொலைப்படை தாக்குதலில் 18 பேர் பலி!. திருமண ஊர்வலத்தின்போது விபரீதம்!
Suicide attacks: நைஜீரியாவில் திருமண ஊர்வலத்தில் பெண் தற்கொலை தாக்குதலில் 18 பேர் கொல்லப்பட்டுள்ளனர். 40க்கும் மேற்பட்டோர் காயமடைந்தனர் .
நைஜீரியாவின் வடகிழக்கு போர்னோ மாநிலமான குவோசா நகரில் மருத்துவமனையை குறிவைத்து பெண் தற்கொலைப் படையினரால் நேற்று தாக்குதல்கள் நடத்தப்பட்டது. திருமண ஊர்வலத்தின் போது பெண் ஒருவர் முதுகில் வெடிகுண்டுகளை கட்டிக்கொண்டு தாக்குதல் நடத்தியதாகவும், இதுவரை, குழந்தைகள், பெண்கள் மற்றும் கர்ப்பிணிப் பெண்கள் உட்பட் 18 பேர் கொல்லப்பட்டனர். 40க்கும் மேற்பட்டோர் காயமடைந்தனர். நீண்டகால இஸ்லாமிய கிளர்ச்சிக்கு மத்தியில் இந்த தாக்குதல் நடத்தப்பட்டதாக அதிகாரிகள் கூறுகின்றனர்.
2014 ஆம் ஆண்டு போகோ ஹராம் போராளிகள் குழு வடக்கு போர்னோவில் நிலப்பரப்பைக் கைப்பற்றியபோது குவோசாவைக் கைப்பற்றினர். இந்த நகரம் 2015 இல் சாடியன் படைகளின் உதவியுடன் நைஜீரிய இராணுவத்தால் திரும்பப் பெறப்பட்டது, ஆனால் அந்த குழு நகருக்கு அருகிலுள்ள மலைகளில் இருந்து தொடர்ந்து தாக்குதல்களை நடத்தி வருகிறது. போகோ ஹராம் விறகுகள் மற்றும் அகாசியா பழங்களைத் தேடி ஊருக்கு வெளியே செல்லும் ஆண்களைக் கொன்றது மற்றும் பெண்களைக் கடத்திச் சென்றது. வன்முறை நைஜீரியாவின் வடகிழக்கில் 40,000 க்கும் அதிகமான மக்களைக் கொன்றது மற்றும் சுமார் இரண்டு மில்லியன் மக்கள் இடம்பெயர்ந்துள்ளனர் என்பது குறிப்பிடத்தக்கது.
