12 மாடி கட்டிடம்!. நீச்சல் குளத்திற்கு தனி மொட்டை மாடி!. சைஃப் அலி கானின் அபார்ட்மெண்ட் விலை என்ன தெரியுமா?.
Saif Ali Khan Apartment: மும்பையின் பாந்த்ரா மேற்கு பகுதியில் உள்ள சத்குரு ஷரன் என்ற 12 மாடி கட்டிடத்தில் சைஃப் அலி கான் வசித்து வருகிறார். இந்த நிலையில் கடந்த ஜனவரி 16ம் தேதி அதிகாலையில் கொள்ளைக்காரனால் சைஃப் அலி கானுக்கு கத்திக்குத்து ஏற்பட்டது. ஆறு முறை கத்தியால் குத்தப்பட்டதில், உடனடியாக அவர் மருத்துவமனையில் அனுமதிக்கப்பட்டார். அவருக்கு அறுவை சிகிச்சை செய்யப்பட்டது. இந்த அதிர்ச்சியூட்டும் செய்தி பரவிய சிறிது நேரத்திலேயே, மும்பையின் பாந்த்ரா மேற்கு பகுதியில் உள்ள சைஃப் அலி கானின் கட்டிடத்தில் புகுந்த கொள்ளையனின் முதல் படம் இணையத்தில் வெளியாகி, பாதுகாப்பு தொடர்பான கேள்விகளை எழுப்பியது.
சைஃப் அலி கான் எங்கு வசிக்கிறார்? மும்பையின் பாந்த்ரா மேற்கு பகுதியில் உள்ள 12 மாடி கட்டிடத்தில் சைஃப் அலி கான் வசித்து வருகிறார். நடிகர் சத்குரு பில்டர்ஸிடம் இருந்து கிட்டத்தட்ட பத்தாண்டுகளுக்கு முன்பு சொத்தை வாங்கினார். சயீப்பின் வீடு 10,000 சதுர அடியில் ஆடம்பரமான வசதிகளைக் கொண்ட ஒரு அபார்ட்மெண்ட் ஆகும். இது ஐந்து படுக்கையறைகள், ஒரு இசை அறை, ஆறு மொட்டை மாடி பால்கனிகள், ஒரு உடற்பயிற்சி கூடம் மற்றும் குடும்பம் ஒன்றாக தரமான நேரத்தை அனுபவிக்க போதுமான இடம் ஆகியவற்றை உள்ளடக்கியது. கூடுதலாக, சைஃப் அலி கானின் இல்லத்தில் ஒரு பிரத்யேக மொட்டை மாடி மற்றும் நீச்சல் குளம் உள்ளது.
சைஃப் அலி கானின் அபார்ட்மெண்ட் விலை என்ன? ஊடக அறிக்கைகளின்படி, சைஃப் அலி கானின் அடுக்குமாடி குடியிருப்பு ஒரு சதுர அடிக்கு சுமார் ரூ.70,000 என மதிப்பிடப்பட்டுள்ளது. சயீஃப் அலி கான் மற்றும் கரீனா கபூர் கானின் தற்போதைய குடியிருப்புக்கு செல்வதற்கு முன், பாந்த்ராவில் அமைந்துள்ள பார்ச்சூன் ஹைட்ஸ் என்ற நான்கு மாடி கட்டிட வளாகத்தில் வசித்து வந்தனர். 2013 இல், அவர்கள் 48 கோடி ரூபாய்க்கு 3,000 சதுர அடி, 3BHK அடுக்குமாடி குடியிருப்பை வாங்கினார்கள்.
