Tax: 2024 மார்ச் மாதத்தில் வசூல் செய்யப்பட்ட GST வரி 11.5 சதவீதம் அதிகரிப்பு...!

ஜிஎஸ்டி வரி வசூல் 2024 மார்ச் மாதத்தில் 1.78 லட்சம் கோடியாக உள்ளது. இது 2023ல் இதே மாதத்துடன் ஒப்பிடும் போது 11.5 சதவீதம் அதிகமாகும். இந்த வரிவசூல் இதுவரையிலான ஜிஎஸ்டி வசூலில் இரண்டாவது பெரிய தொகையாகும்.

மார்ச் மாதத்தில் வசூலான சரக்கு மற்றும் சேவை வரி வருவாய் விவரம்;

மத்திய சரக்கு மற்றும் சேவை வரியாக ரூ.34,532 கோடி வசூல் செய்யப்பட்டுள்ளது. மாநில சரக்கு மற்றும் சேவை வரி ரூ.43,746 கோடியாகும். ஒருங்கிணைந்த சரக்கு மற்றும் சேவை வரி இறக்குமதி செய்யப்ட்ட பொருட்கள் மீது வசூலிக்கப்பட்ட ரூ. 40,322 கோடி உட்பட ரூ.87,947 கோடி ஆகும். மேலும் செஸ் வரியாக இறக்குமதி செய்யப்பட்ட பொருட்கள் மீது வசூலிக்கப்பட்ட ரூ. 996 கோடி உட்பட ரூ. 12,259 கோடி ஆகும்.

தமிழகத்தை பொறுத்தவரை 2024 மார்ச் மாதத்தில் சரக்கு மற்றும் சேவை வரி வருவாய் ரூ.11,017 கோடியாக இருந்தது. இது கடந்த ஆண்டு இதே மாதத்துடன் ஒப்பிடுகையில் 19 சதவீத வளர்ச்சியாகும். கடந்த ஆண்டு மார்ச் மாதத்தில் ரூ. 9,245 கோடி வருவாய் கிடைத்தது. புதுச்சேரியை பொறுத்தவரை மார்ச் மாதத்தில் ஜிஎஸ்டி வரி வசூல் ரூ.221 கோடியாக இருந்தது. இது கடந்த ஆண்டு மார்ச் மாதத்தை விட 9 சதவீதம் அதிகமாகும். கடந்த ஆண்டு மார்ச் மாதத்தில் புதுச்சேரியில் ரூ.204 கோடி வருவாய் கிடைத்தது.