இலங்கை கடற்படையால் 25 மீனவர்கள் கைது...!

தமிழகத்தில் இருந்து கடலுக்கு மீன் பிடிக்கச் சென்ற 25 மீனவர்கள் இலங்கை கடற்படையினரால் கைது செய்யப்பட்டுள்ளனர்.

தமிழகத்தில் இருந்து கடலுக்கு மீன் பிடிக்கச் சென்ற 25 மீனவர்கள் இலங்கை கடற்படையினரால் கைது செய்யப்பட்டுள்ளனர். கைது செய்யப்பட்டவர்கள் காரைக்கால் மற்றும் நாகப்பட்டினம் பகுதியைச் சேர்ந்த மீனவர்கள் என தகவல் வெளியாகியுள்ளது. எல்லை தாண்டி மீன்பிடித்ததாக இரண்டு விசைப்படகையும் அதிலிருந்த 25 மீனவர்களை கைது செய்தனர்.

கடந்த ஒரு வார காலமாக புயல் அச்சத்தால் மீன் பிடிக்க தடை விதிக்கப்பட்டிருந்தது. இதனால், மீன்பிடிக்க செல்லாமல் நாகப்பட்டினம் மீனவர்கள் படகுகளை கரைகளில் நங்கூரமிட்டு நிறுத்தி இருந்தனர். இந்த நிலையில் இன்று மீண்டும் மீன்பிடி அனுமதி பெற்று கடலுக்குச் சென்றனர். இந்த நிலையில் மீன்பிடித்துக் கொண்டிருந்தபோது, அந்த பகுதியில் ரோந்து வந்த இலங்கை கடற்படையினர், எல்லை தாண்டி வந்ததாக கூறி 2 விசைப்படகை சிறைப்பிடித்து அதிலிருந்த 25 மீனவர்களை கைது செய்தனர்.