”சேப்பாக்கத்தில் ரஞ்சி கோப்பை போட்டியை இலவசமாக பார்க்கலாம்”..!! தமிழ்நாடு கிரிக்கெட் சங்கம் அறிவிப்பு

தமிழ்நாடு - கர்நாடகா மோதும் ரஞ்சி கோப்பை 2024 டெஸ்ட் போட்டியை இலவசமாக பார்க்க அனுமதி வழங்கப்பட்டுள்ளதாக தமிழ்நாடு கிரிக்கெட் சங்கம் அறிவித்துள்ளது.

ரஞ்சி கோப்பை கிரிக்கெட் தொடரில் ‘சி’ பிரிவில் இடம் பெற்றுள்ள தமிழ்நாடு, கர்நாடக அணிகள் மோதும் ரஞ்சி கோப்பை 2024 டெஸ்ட் போட்டி, வரும் 9ஆம் தேதி முதல் 12ஆம் தேதி வரை நடைபெறவுள்ளது. இந்த ஆட்டம் சென்னை சேப்பாக்கம் மைதானத்தில் நடைபெறுகிறது. இந்நிலையில், இந்த போட்டிக்கான கர்நாடகா அணியை அம்மாநில கிரிக்கெட் சங்கம் அறிவித்துள்ளது.

இந்நிலையில், சேப்பாக்கத்தில் நடைபெறவுள்ள இந்த போட்டியை பார்வையாளர்கள் இலவசமாக பார்க்க அனுமதி வழங்கப்பட்டுள்ளதாக தமிழ்நாடு கிரிக்கெட் சங்கம் அறிவித்துள்ளது. மேலும், பார்வையாளர்கள் C, D, E ஸ்டாண்ட்ஸ் இருக்கைகளில் அமர்ந்து இலவசமாக போட்டியை காணலாம். விக்டோரியா ஹாஸ்டல் சாலையில் உள்ள 4-வது நுழைவாயில் வழியாக பார்வையாளர்கள் அனுமதிக்கப்படுவர் என தமிழ்நாடு கிரிக்கெட் சங்கம் தெரிவித்துள்ளது.