பாலியல் விழிப்புணர்வு நிகழ்ச்சியில் சிக்கிக்கொண்ட ஆசிரியர்..!! கூட்டமாக வந்த மாணவிகள்..!! பதறிய போலீஸ் அதிகாரி..!!

நெல்லை மாநகராட்சி பகுதியில் கல்லணை பெண்கள் மேல்நிலைப்பள்ளி செயல்பட்டு வருகிறது. இப்பள்ளியில் ஆயிரத்துக்கும் மேற்பட்ட மாணவிகள் பயின்று வருகின்றனர். இந்நிலையில், கடந்த 8ஆம் தேதி நெல்லை மாநகர காவல்துறை சார்பில், அப்பள்ளியில் போக்சோ சட்டம் குறித்த விழிப்புணர்வு நிகழ்ச்சி நடத்தப்பட்டுள்ளது.

அப்போது நிகழ்ச்சி முடிவில் தனியாக வந்த பத்துக்கும் மேற்பட்ட மாணவிகள் அங்குள்ள காவல்துறை உயர் அதிகாரியிடம் அப்பள்ளியை சேர்ந்த ஆசிரியர் ஒருவர் தங்களிடம் பாலியல் சீண்டலில் ஈடுபட்டு வருவதாகவும், அடிக்கடி தொல்லை தருவதாகவும் புகார் அளித்துள்ளனர். இந்த புகாரை கேட்டு அதிர்ச்சி அடைந்த காவல்துறையினர், பள்ளியில் பணியாற்றக்கூடிய ஆசிரியர் ஜோசப் (59) என்பவரிடம் விசாரணை நடத்தப்பட்டது.

இறுதியில் மாணவிகள் அளித்த புகார் உண்மை என்று தெரியவந்ததை அடுத்து அவர் மீது போக்சோ சட்டத்தில் வழக்குப்பதிவு செய்து போலீசார் கைது செய்துள்ளனர். ஆசிரியரே பள்ளி மாணவிகளுக்கு பாலியல் தொல்லை கொடுத்த சம்பவம் பெரும் அதிர்ச்சியை ஏற்படுத்தியுள்ளது.