செம திட்டம்...! மாதம் ரூ.25,000 முதல்வரின் ஆராய்ச்சி ஊக்கத்தொகை...! TRB இணையம் மூலம் விண்ணப்பிக்கலாம்...!

தமிழக கல்லுாரி மாணவர்களின் ஆராய்ச்சி திறனை மேம்படுத்த, முதல்வரின் ஆராய்ச்சி ஊக்கத்தொகை திட்டத்திற்கு விண்ணப்பிக்கலாம் என தெரிவிக்கப்பட்டுள்ளது‌.

இது குறித்து ஆசிரியர் தேர்வு வாரியம் வெளியிட்ட செய்தி குறிப்பில்; தமிழக கல்லுாரி மாணவர்களின் ஆராய்ச்சி திறனை மேம்படுத்த, முதல்வரின் ஆராய்ச்சி ஊக்கத்தொகை திட்டம் செயல்படுத்தப்படுகிறது. இதன்படி, கலை, மனிதநேயம், சமூக அறிவியல் பிரிவில் 60 மாணவர்களுக்கும், அறிவியல் பிரிவில், 60 மாணவர்களுக்கும் ஆராய்ச்சி ஊக்கத்தொகை வழங்கப்படுகிறது.

மாதம் ரூபாய் 25,000 வீதம், 2 ஆண்டுகளுக்கும்; அதன்பின், மாதம், 28,000 ரூபாய் வீதம், 12 மாதங்களுக்கும் ஊக்கத்தொகை வழங்கப்படும்.இதற்கு, ஆசிரியர் தேர்வு வாரியம் வழியே தகுதி தேர்வு நடத்தப்படுகிறது. இதற்கான அறிவிப்பு, https://trb.tn.gov.in/ என்ற இணையதளத்தில் வெளியிடப்பட்டுள்ளது. விண்ணப்பதாரர்கள் நவம்பர் 15-ம் தேதிக்குள் விண்ணப்ப பதிவு மேற்கொள்ள வேண்டும் என தெரிவிக்கப்பட்டுள்ளது.