இன்னும் சில மணி நேரம் தான்..!! 14 மாவட்டங்களில் கொட்டித் தீர்க்க காத்திருக்கும் கனமழை..!!

தென்மாநில பகுதியில் வளிமண்டல கீழடுக்கு சுழற்சி நிலவி வருகிறது. கேரள கடலோர பகுதியை ஒட்டிய, தென் கிழக்கு அரபிக்கடல் பகுதிகளின் மேல், வளிமண்டல மேலடுக்கு சுழற்சியும் நிலவுகிறது. இதனால் பெரும்பாலான மாவட்டங்களில், வரும் 8ஆம் தேதி வரை மிதமான மழை பெய்யும் என்று தெரிவிக்கப்பட்டுள்ளது.

இந்நிலையில், தமிழ்நாட்டில் இன்னும் சில மணி நேரங்களில் 14 மாவட்டங்களில் கனமழை வெளுத்து வாங்கும் என்று வானிலை ஆய்வு மையம் எச்சரித்துள்ளது. அதன்படி கோவை, திருப்பூர், திண்டுக்கல், விருதுநகர், மதுரை, தூத்துக்குடி, சிவகங்கை, ராமநாதபுரம், புதுக்கோட்டை, தஞ்சாவூர், திருவாரூர், நாகை, கன்னியாகுமரி, நீலகிரி மற்றும் தென்காசி உள்ளிட்ட 14 மாவட்டங்களில் கனமழை பெய்யும் என்று வானிலை ஆய்வு மையம் தெரிவித்துள்ளது.

தமிழ்நாடு மற்றும் புதுச்சேரியில் ஒரு சில இடங்களில் அடுத்த 7 நாட்களுக்கு மழை பெய்ய வாய்ப்புள்ளதாகவும் சென்னையில் ஒரு சில இடங்களில் 48 மணி நேரத்திற்கு மழை பெய்ய வாய்ப்பு உள்ளதாக தெரிவிக்கப்பட்டுள்ளது.