கைதுக்கு காரணமான அல்லு அர்ஜுனின் அந்த ‘சைகை’!. கைது குறித்து தெலுங்கானா போலீசார் கூறியது என்ன தெரியுமா?
Allu Arjun: 'புஷ்பா 2' படத்தின் பிரீமியர் ஷோ பார்க்கச் சென்று ரசிகர்கள் கூட்டத்தில் சிக்கி பாஸ்கர் என்பவரின் மனைவி ரேவதி (39) உயிரிழந்த சம்பவம் தொடர்பாக அல்லு அர்ஜுன் கைது செய்யப்பட்ட சம்பவம், திரையுலகில் பெரும் பேசுபொருளாகியிருக்கிறது. இந்தச் சம்பவத்தில் அல்லு அர்ஜுன் ஹைதராபாத்தில் உள்ள சந்தியா திரையரங்கிற்கு வருவது குறித்து முறையாகக் காவல்துறைக்குத் தகவல் கொடுக்காத திரையரங்க உரிமையாளர்கள் மீதும், முன் அறிவிப்பின்றி திடீரென வந்து கூட்ட நெரிசலுக்குக் காரணமாக இருந்ததாக நடிகர் அல்லு அர்ஜுன் மீதும் வழக்குத் தொடரப்பட்டிருந்தது. மேலும், ரேவதி (39) உயிரிழந்தது தொடர்பாகவும் திரையரங்க உரிமையாளர்கள் மீதும், நடிகர் அல்லு அர்ஜுன் மீதும் குற்றம் சாட்டப்பட்டிருந்தது.
இந்த வழக்குத் தொடர்பாக நேற்று காலை காவல்துறையினர் நடிகர் அல்லு அர்ஜுனை கைது செய்து, அவருக்கு 14 நாட்கள் நீதிமன்றக் காவல் விதிக்கப்பட்டது. அல்லு அர்ஜுனுக்கு இடைக்கால ஜாமீன் கேட்டு வழக்கறிஞர் நிரஞ்சன், தெலங்கானா உயர் நீதிமன்றத்தை நாடினார். மாலை 4 மணி முதல் 6 மணி வரை கிட்டத்தட்ட 2 மணி நேரம் அல்லு அர்ஜுனின் ஜாமீன் மனு மீது வழக்கு விசாரணை நடைபெற்றது. அல்லு அர்ஜூனை அவரது வீட்டில் புகுந்து கைது செய்து, அவருக்கு உடை மாற்றுவதற்குக் கூட அனுமதி வழங்காமல், அவசர அவரமாக காவல்துறை கைது செய்ததாகவும், கைது செய்யும் போது அவருக்கான அடிப்படை உரிமைகளை மறுத்ததாகவும் குற்றம்சாட்டியிருக்கிறார் வழக்கறிஞர் நிரஞ்சன்.
இந்த ஜாமீன் மனுவை விசாரித்த நீதிபதி திருமதி. ஜுவ்வாடி ஶ்ரீதேவி (Justice Juvvadi Sridevi) அவர்கள் அல்லு அர்ஜுனுக்கு இடைக்கால ஜாமீன் வழங்கி உத்தரவிட்டார். மேலும் இதுகுறித்துப் பேசிய நீதிபதி, "நடிகர் என்ற ஒரே காரணத்திற்காக அவரது உரிமைகளை பறிக்கக் கூடாது. ஒரு குடிமகனாக சுதந்திரமாக வாழ்வதற்கு அவருக்கு உரிமை இருக்கிறது. அவரை கைது செய்து நடத்தியவிதம் சரியாக இல்லை. அவருக்கு இடைக்கால ஜாமீன் வழங்கி உத்தரவிடுகிறேன்" என்றார். இதையடுத்து, விடிய விடிய சிறையில் இருந்த அல்லு அர்ஜுன் இன்றுகாலை சிறையில் இருந்து விடுதலையானார்.
இந்தநிலையில், தற்போது இந்த விவகாரத்தில் தெலுங்கானா போலீசார் விளக்கம் அளித்துள்ளனர். தங்கள் விசாரணையை மேற்கோள் காட்டி, சந்தியா தியேட்டரில் கூட்ட நெரிசலுக்கு நடிகர் மக்களை நோக்கி 'சைகை' ஒரு முக்கிய காரணம் என்று போலீசார் தெரிவித்தனர். எந்தவொரு பெரிய நிகழ்ச்சிக்கும் முன்பு வழக்கமாக நடப்பது போலல்லாமல், ஏற்பாட்டாளர்கள் "எந்த அதிகாரியையும் சந்திக்கவில்லை மற்றும் உள்நோக்கிய பிரிவில் கடிதத்தை சமர்ப்பித்துள்ளனர்" என்று தெலுங்கானா காவல்துறை தெரிவித்துள்ளது. பெரிய கூட்டம் வரும் என்று எதிர்பார்க்கப்படும் போது, ஏற்பாட்டாளர்கள் "தனிப்பட்ட முறையில் காவல் நிலையம்/ஏசிபி/டிசிபி அலுவலகத்திற்குச் சென்று முறையான ஏற்பாடுகளைச் செய்வார்கள்" என்று நிர்வாகம் கூறியது, ஆனால் அல்லு அர்ஜுனின் நிகழ்வில் அப்படி இல்லை.
"அரசியல் பிரமுகர்கள், திரையுலக பிரமுகர்கள், மத நிகழ்ச்சிகள் போன்றவற்றின் வருகையை மேற்கோள் காட்டி, பந்தோபஸ்த் (ஏற்பாடுகள்) கோரி எங்களுக்கு ஏராளமான கோரிக்கைகள் வருகின்றன. இருப்பினும், ஒவ்வொரு நிகழ்ச்சிக்கும் ஏற்பாடு செய்வது எங்கள் சக்திக்கு அப்பாற்பட்டது. சிறப்பு சந்தர்ப்பங்களில், கூட்டம் அதிகமாக இருக்கும் சந்தர்ப்பங்களில் அல்லது எந்தவொரு பிரபலமான ஆளுமையும் வருகிறார், அமைப்பாளர் தனிப்பட்ட முறையில் காவல் நிலையம்/ஏசிபி/டிசிபி அலுவலகத்திற்குச் சென்று நிகழ்ச்சியைப் பற்றிய தகவல்களைத் தருகிறார், அதன் அடிப்படையில் நாங்கள் ஏற்பாடுகளைச் செய்கிறோம். இந்நிலையில், அமைப்பாளர் எந்த அதிகாரியையும் சந்திக்காமல், உள்நோக்கத்தில் உள்ள கடிதத்தை மட்டும் அளித்துள்ளார். இருந்தபோதிலும், காவல்துறைக்கு எந்த விவரமும் தெரிவிக்கப்படவில்லை, நாங்கள் தகுந்த ஏற்பாடுகளை செய்தோம் என்று கூறப்பட்டுள்ளது.