அலெர்ட்..!! கொசுவிடம் நடத்தப்பட்ட ஆய்வு..!! வெளியான அதிர்ச்சி முடிவுகள்..!! மக்களே ஜாக்கிரதை..!!

பெங்களூரு, சிக்கபள்ளாப்பூரில் உள்ள ஒரு கொசுவை கடந்த ஆகஸ்ட் மாதம் பரிசோதனைக்கு அனுப்பியதில், அதில் ஜிகா வைரஸ் இருப்பது கண்டறியப்பட்டது. இதையடுத்து, இந்த மாதிரி எடுக்கப்பட்ட தல்கேபெட்டா பகுதியின் 5 கிலோமீட்டர் சுற்றளவில் எச்சரிக்கை விடுக்கப்பட்டுள்ளது. காய்ச்சல் உள்ளவர்களுக்கு சோதனையும் நடத்தப்படுகிறது.

அம்மாநிலம் முழுவதும் இருந்து சுமார் 100 மாதிரிகள் சேகரிக்கப்பட்டுள்ளன. அதில், 6 மாதிரிகள் சிக்கபள்ளாபூரிலிருந்து வந்தவை. அவற்றில் 5 சோதனை எதிர்மறையானது. ஒன்று நேர்மறையாக இருந்தது என்று மாவட்ட சுகாதார அதிகாரி டாக்டர் எஸ் மகேஷ் வெளியிட்ட அறிக்கையில் தெரிவித்திருக்கிறார். அதிக காய்ச்சலால் பாதிக்கப்பட்ட 3 நோயாளிகளின் மாதிரிகள் நோயியல் ஆய்வுக்கு அனுப்பப்பட்டுள்ளன.

மாநிலம் தழுவிய இயக்கத்தின் போது சேகரிக்கப்பட்ட பல மாதிரிகளில் வைரஸைக் கொண்டு செல்லும் கொசுவும் இருந்தது. டெங்கு மற்றும் சிக்குன்குனியா போன்ற தொற்றுநோய்களை பரப்பும் நோய்த்தொற்றுடைய ஏடிஸ் கொசுவின் மூலம் தான் ஜிகா வைரஸ் நோய் பரவுகிறது. இந்த வைரஸ் முதன்முதலில் உகாண்டாவில் கண்டறியப்பட்டது. கடந்த டிசம்பரில், கர்நாடகாவின் ராய்ச்சூர் மாவட்டத்தில் 5 வயது சிறுமிக்கு ஜிகா வைரஸ் இருப்பது கண்டறியப்பட்டது குறிப்பிடத்தக்கது.