பள்ளிக்கு சென்ற ஆசிரியரை கடத்திச் சென்று கட்டாய திருமணம்..!! 2 ஸ்கார்பியோ காரில் சடசடவென வந்து இறங்கிய பெண் வீட்டார்..!! நடந்தது என்ன..?

பீகார் மாநிலத்தில் பெகுர்சராய் மாவட்டத்தில் உள்ள ராஜவுராவில் வசிக்கும் சுதாகர் ராயின் மகனான அவ்னிஷ் குமார், ஆசிரியராக பணியாற்றி வந்த நிலையில், நேற்று அவர் பணிபுரியும் பள்ளிக்குச் சென்று கொண்டிருந்தார். அப்போது, 2 கார்களில் வந்த மர்ம நபர்கள், ஆசிரியர் சென்ற வாகனத்தை வழிமறித்து அவ்னிஷை நோக்கி துப்பாக்கிகளை நீட்டினர். இதையடுத்து, அவரை அந்த கும்பல் கடத்திச் சென்றது. அவர் கடுமையாக தாக்கப்பட்டு ஒரு பெண்ணுடன் வலுக்கட்டாயமாக திருமணம் செய்து கொண்டார்.

ஆசிரியர் அவ்னிஷ், குஞ்சன் என்ற பெண்ணை காதலித்து வந்துள்ளார். அடிக்கடி வெளியில் சென்று இருவரும் உல்லாசமாக இருந்த நிலையில், திருமணத்திற்கு மறுத்து வந்துள்ளார். சம்பவத்திற்கு மூன்று நாட்களுக்கு முன்பு, குஞ்சனின் குடும்பத்தினர் கதிஹாரில் தம்பதிகளை ஒன்றாகக் கண்டுபிடித்தனர். அவர்கள் அவ்னிஷை கடத்தி வந்து கோவிலில் வைத்து வலுக்கட்டாயமாக திருமணம் செய்து வைத்துள்ளனர்.

இதைத் தொடர்ந்து, குஞ்சன் தனது குடும்பத்தினருடன் ராஜாவுராவில் உள்ள அவ்னிஷின் வீட்டிற்கு சென்றார். அங்கு அவ்னிஷ் தப்பிச் சென்றதாக கூறப்படுகிறது. இறுதியில் குஞ்சன் வீட்டிற்கு வந்தபோது, ​​அவ்னிஷின் குடும்பத்தினர் அந்த பெண்ணை தங்கள் வீட்டிற்குள் ஏற்றுக்கொள்ள மறுத்துவிட்டனர். அதன் பிறகு குஞ்சன் போலீசில் புகார் அளித்து, நீதி கேட்டு போராடினார். இருப்பினும், காதல் உறவு பற்றிய அனைத்து குற்றச்சாட்டுகளையும் அவ்னிஷ் மறுத்தார்.

"அந்தப் பெண் மீது எனக்கு காதல் இல்லை" என்று அவர் குற்றம் சாட்டினார். பலமுறை போன் செய்து வழிமறித்து துன்புறுத்தினார். சம்பவத்தன்று பள்ளிக்கு சென்று கொண்டிருந்த என்னை சிலர் ஸ்கார்பியோ வாகனத்தில் கடத்திச் சென்றனர். அவர்கள் என்னை அடித்து, வலுக்கட்டாயமாக மஞ்சள் பூசி, சடங்கு செய்ய முயன்றதாக அவ்னிஷ் குமார் போலீசில் புகாரளித்துள்ளார். இதுதொடர்பாக போலீசார் வழக்குப்பதிவு செய்து விசாரித்து வருகின்றனர்.

Read More : மகன் படத்தில் மாஸ் என்ட்ரி கொடுத்த கேப்டன் விஜயகாந்த்..!! ட்ரெய்லரை பார்த்து கண் கலங்கும் ரசிகர்கள்..!!