ரயில் நிலையத்திற்கு செல்ல பாஸ்போர்ட், விசா தேவை!… இந்தியாவில் இப்படியொரு ரயில் நிலையமா?… காரணம் இதோ!

இந்திய ரயில்வே உலகின் நான்காவது பெரிய ரயில் நெட்வொர்க் ஆகும். நாட்டில் தினமும் கோடிக்கணக்கான மக்கள் இந்த ரயில்களில் பயணிக்கின்றனர். இந்திய ரயில்வே நாட்டின் உயிர்நாடியாக கருதப்படுகிறது. தகவலின்படி, இந்தியாவில் உள்ள மொத்த ரயில் நிலையங்களின் எண்ணிக்கை சுமார் 8000 ஆகும். ஆனால் இந்தியாவில் உள்ள ஒரு ரயில் நிலையத்திற்கு செல்ல பாஸ்போர்ட் மற்றும் விசா தேவை. இந்த ரயில் நிலையம் எங்கு உள்ளது என்பது குறித்து இந்த தொகுப்பில் பார்க்கலாம்.

இந்தியாவில் உள்ள அட்டாரி ரயில் நிலையத்தை அடைய இந்தியர்களுக்கு பாகிஸ்தானிய விசா தேவை. விசா இல்லாமல் இங்கு செல்ல முடியாது. இந்தியாவில் ரயில் நிலையத்திற்கு செல்ல விசா தேவைப்படும் ஒரே ரயில் நிலையம் இதுதான். இந்த ரயில் நிலையம் பஞ்சாபின் அமிர்தசரஸ் மாவட்டத்தில் அமைந்துள்ளது மற்றும் வடக்கு ரயில்வேயின் ஃபிரோஸ்பூர் ரயில்வேயின் அதிகார வரம்பிற்கு உட்பட்டது.

மேலும், இந்த நிலையம் இந்தியாவில் இருக்கும்போது, ​​​​நாட்டு மக்களுக்கு ஏன் இங்கு செல்ல விசா தேவை என்று யோச்சிக்கிறீர்களா? அட்டாரி ரயில் நிலையத்தில் இருந்து ரயில்கள் பாகிஸ்தானுக்குச் செல்கின்றன. ஆனால் இங்கு செல்ல பாகிஸ்தானிடம் அனுமதி பெற வேண்டும். பாதுகாப்பு காரணங்களுக்காக, நீங்கள் இங்கு சுற்றித் திரிவது கண்டுபிடிக்கப்பட்டால், நீங்கள் சிறைக்கு செல்ல வேண்டியிருக்கும்.

இது தவிர, வலுக்கட்டாயமாக இந்த ஸ்டேஷனுக்குள் நுழைய முயன்றால், வெளிநாட்டுச் சட்டம் பிரிவு 14ன் கீழ் வழக்குப் பதிவு செய்யப்படும். சம்ஜௌதா எக்ஸ்பிரஸ் மட்டுமே சர்வதேச ரயில் ஆகும். இதில் பயணம் செய்ய வேண்டுமானால், டிக்கெட் வாங்க பாஸ்போர்ட் எண்ணைக் கொடுக்க வேண்டும். டெல்லி-அட்டாரி எக்ஸ்பிரஸ், அமிர்தசரஸ்-அட்டாரி டிஇஎம்யு, ஜபல்பூர்-அட்டாரி சிறப்பு ரயில்களும் இங்கு காணப்படுகின்றன, ஆனால் அவை எதுவும் அட்டாரி-லாகூர் பாதை வழியாக செல்லவில்லை என்பது குறிப்பிடத்தக்கது.