தொடர் கனமழை..‌ இன்று 4 மாவட்டத்தில் பள்ளிகளுக்கு விடுமுறை...! ஆட்சியர்கள் உத்தரவு...!

தமிழகத்தில் அடுத்த 24 மணி நேரத்தில் கன்னியாகுமரி, திருநெல்வேலி, தென்காசி, தேனி, திண்டுக்கல் ஆகிய மாவட்டங்களில் ஓரிரு இடங்களில் இடி, மின்னலுடன் கூடிய கன மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

இந்த கனமழை எச்சரிக்கையைத் தொடர்ந்து கன்னியாகுமரி, தென்காசி, நெல்லை, திண்டுக்கல் ஆகிய நான்கு மாவட்டங்களிலுள்ள அனைத்து பள்ளிகளுக்கும் இன்று விடுமுறை அறிவிக்கப்பட்டுள்ளது. தென்காசி மாவட்டத்திற்கு அந்த மாவட்ட ஆட்சியர் விடுமுறை அறிவித்து உத்தரவிட்டுள்ளார். நெல்லை மாவட்டத்தில் உள்ள பள்ளிகளுக்கு மட்டும் நாளை ஒருநாள் விடுமுறை அளிக்கப்படுவதாக அந்த மாவட்ட ஆட்சியர் கார்த்திகேயன் அறிவித்துள்ளார்.

திண்டுக்கல் மாவட்டத்தில் கனமழை பெய்யும் என தெரிவித்துள்ளதால் பள்ளி மாணவர்களின் பாதுகாப்பு மற்றும் உடல்நலனை கருத்தில் கொண்டு அனைத்து வகையான பள்ளிகளுக்கும் மழை முன்னெச்சரிக்கை நடவடிக்கையின் காரணமாக விடுமுறை அளிக்கப்படுகிறது என திண்டுக்கல் மாவட்ட ஆட்சித் தலைவர் பூங்கொடி அறிவித்துள்ளார். அதே போல அதிக கனமழை எச்சரிக்கை காரணமாக கன்னியாகுமரி மாவட்டத்தில் இன்று அனைத்து வகை பள்ளிகளுக்கும் விடுமுறை அளித்து மாவட்ட கல்வித்துறை அதிகாரி உத்தரவிட்டுள்ளார்.