ஆடுஜீவிதம் படத்திற்காக மூன்று நாள் பட்டினி கிடந்த பிரித்திவிராஜ்

பிளஸ்சி இயக்கத்தில் பிரித்திவிராஜ், அமலா பால் உள்ளிட்ட பலர் நடிப்பில் கடந்த மார்ச் 28 ஆம் தேதி வெளியான திரைப்படம் ஆடு ஜீவிதம். படம் வெளியான மூன்று நாட்களிலே 50 கோடிக்கும் மேல் வசூலித்தது. தற்போது வசூலில் 70 கோடி ரூபாயை நெருங்கியது.

இவ்வார இறுதியில் ஆடு ஜீவிதம் திரைப்படம் 100 கோடி ரூபாய் வசூலிக்கும் எனவும் எதிர்ப்பார்க்கப்படுகிறது. ப்ரேமலு, மஞ்சும்மல் பாய்ஸ் படங்களின் வெற்றியை தொடர்ந்து ரூ.100 கோடி வசூலை குவித்த படங்கள் வரிசையில் ஆடு ஜீவிதம் இடம் பெறும் என கூறப்படுகிறது.

உலகம் முழுவதும் கொண்டாடப்படும் ஆடு ஜீவிதம் திரைப்படத்தில், நிர்வாண காட்சிக்காக நடிகர் பிரித்திவிராஜ் எவ்வளவு கஷ்டப்பட்டு இருக்கிறார் என்பதை ஒளிப்பதிவாளர் கே.எஸ்.சுனில் ஒரு நேர்காணலில் பகிர்ந்துள்ளார். அவர் கூறியதாவது, “இப்படத்திற்காக ஏற்கனவே பிரித்திவிராஜ் உடல் எடையை குறைந்து மெலிந்த தோற்றத்தில் காட்சியளித்தார். அதுவும் நிர்வாண காட்சிக்காக பிருத்திவிராஜ் மூன்று நாள் பட்டினி இருந்து நடித்திருக்கிறார். அந்த காட்சி எடுக்கும் கடைசி நாளில் தண்ணீர் கூட அவர் குடிக்கவில்லை” என குறிப்பிட்டுள்ளார்.

சரியான சாப்பாடு, தண்ணீர் இல்லாமல் பாலைவனத்தில் வாழ்ந்த மனிதன் எப்படி இருப்பானோ அதை அப்படியே திரையில் காண்பிக்க வேண்டும் என்பதற்காக உடலை வருத்தி நடித்து இருக்கிறார் பிரித்திவிராஜ்.